Schitterendje aanvölling vör Rogstaekersarchief

28 september 2018

Sinds jaor en daag zeen Wil Berben en Jac Frencken doondje met ’t archivieëre van âllerlej vuuërwêrpe, di-j mét de geschiedenis van de Rogstaekers te make hebbe. Neet alleîn vaantjes, medalies en elpees waere gerubricieërdj en opgeslage, mer ouch posters en gezétte en zelfs interne stökke vanne Rogstaekers waere gedigitalisieërdj um zoeë vör de toekomst bewaardj te bliêve. Mer waat wore ze begîn september bli-j mét ’n donatie, di-j ‘n ongekindje uutbrei-jing beteîkentj.

 

Rogstekergezet1904

 

Leonie Linssen, aod-artiest beej de Bonte Aovendje, waas oppe zölder vör de zoeëvölste kieër ‘ne houp doeëze aan ’t verplaatse en dacht beej zien eige: “As ich di-j noow ’s aan de Rostaekers schînk, dan hebbe vae ’n win-winsituatie: ich hoof neet mieër te sjouwe en zeuj zeen d’r bli-j mej!”.

In de doeëze zitj namelik ’n groeëte verzameling historisch materiaol oeëver de Wieërter vastelaovendj. De start daovan és gemaaktj doeër Pierre Linssen, de opa van de mins van Leonie. Hae verzameldje van alles: krânte-artikele, foto’s, bökskes, posters en waat mer de meute waerd woeër. Schoeënvader Ton ging dao later me-j wieter en nao ziene doeëd pakdje Leonie en mânleef Pierre de draod van ‘t verzamele ouch op.

 

’t És ’n schitterendje verzameling met materiaol vanaaf 1897 (!) t/m 2017. Zoeë zitj d’r de originieële poster beej van de Wieërter optocht in 1897 (de ieërste woor trouwes twieë jaor ieërder, in 1895), mer ouch de allerieërste Rogstèkersgezétte, di-j zelfs in het Rogstaekersarchief ontbroêke.

Onnoeëdig te zègke det de Rogstaekers bezûndjer dânkbaar zeen, det Leonie en Pierre dieës verzameling hebbe wille oeëverdrage. Want met dieës geste és uniek materiaol vör ’t naogeslacht behaoje gebliêve.

PosterOptocht1897

Mochdjae zelf ouch ‘ne kieër met de groeëte poets bieëzig zeen en spulle tieëgekaome, di-j met de Wieërter vastelaovendj van doon hebbe, goesj di-j dan neet wègk, mer beltj effe met Wil Berben (06 532 433 65) of Jac Frencken (06 235 933 13). Gae dootj d’r hun én de Rogstaekers ’n geweldjig plezeer mej.

Tags: -

Kiektj ouch us beej:

10 maart 2022

Dit jaor hieët V.V. de Rogstaekers, same met înkel kepélle, ’n aantal minse in ’t zönneke moôge zétte. Um verschillendje rieëje kriêge dieës minse inne aanloup nao de vastelaovendj van 2022 ’n bezeûkske van ‘n…

Serenades, Óngerscheidinge en Bloôme

Lees meer

25 februari 2022

Op dieënsdig 1 mieërt zal Jeugdpreens Sjoerd I d’r toch echt aan mótte geluive. Naodet hieël wat hermeniekes en kepelle ’s middigs ongetwiêfeldj vör de noeëdige meziek hebbe gezörgdj és ’t um 19:11 oor zoeë…

Dieënsdig 1 mieërt: Abdicatie

Lees meer

20 februari 2022

Op zoondig 20 fibberwarie 2022 kriêg Sjoerd I de sluuëtel van ’t stadsachterpörtje uutgereiktj doeër börgemeister Raymond Vlecken. Det gebuuërdje oppe trappe van ’t aod stadhoês oppe Mêrrentj. Aansloêtendj mocht oeëze Jeugdpreens nog hieël wat…

Sluuëteloeëverdracht Jeugdpreens Sjoerd I

Lees meer
Mieër noets