Plekke, plekke en nog ‘s plekke beej de Tupkes

26 januari 2019

Dieënsdig 22 jannewarie haaje de wichter uut de groepe 5 t/m 8 van Basisschoeël St. Joeëzef uut de Hej waal ‘n hieël bezûndjer crea-les. ‘n Aantal lede van Vastelaovendjvereîniging De Tupkes haaj ‘ne snipperdaag genoeëme en de wichter uutgenuuëdj um mej te kaome hêlpe met ‘t bawwe aan eure wage, woeëdet ze mej gaon trekke in de optocht in de Hej, mer ouch in de groeëte optocht inne stad.

De wichter krieëge ieërst op ‘n klein schets te zeen, wi-j ‘t  d’r uuteindelik uut mot kaome zeen en ginge toen volop aane slaag met de verfbörstel en met plekke.

Hieël werschiênlik hebbe d’r saoves de noeëdige wasmachines motte drejje um oeëverâl de (oplosbaar) verf uut te haale, met det maakdje de lôl d’r neet minder um.

Oeëver dit prachtige initiatief, woeëmej de Tupkes de wichter mieër wille betrekke beej de vastelaovendj en waat dao aan vuuëraaf gieët, kujje laeze in De Rogstèker, de vastelaovendjgezét van de Rogstaekers, di-j tösse 4 en 10 fibberwarie (waek 6) uutkeumtj.


Tags: - -

Kiektj ouch us beej:

17 februari 2019

  Op zoondig 17 fibberwarie 2019 prissentieërdje Rob Princen beej WeertFM de veerdje aaflevering van ‘t programma ‘Dao Gaon Vae Weer’. De óngerwêrpe hebbe allemaol mét de vastelaovendj te make. Ouch Jac Frencken, dae vör…

Jac Frencken te gast beej WeertFM

Lees meer

16 februari 2019

Eder jaor gaon lede van de optochtkemissie van de Rogstaekers mieërdere kieëre op bezeuk beej de bawwers van de groeëte wages, di-j mejdoon aane optocht. Met hölp van ‘n aantal deskundige kieke ze dan wí-j…

Preens Frank II preuftj aane optocht

Lees meer

12 februari 2019

  Eder jaor brînge de Rogstaekers de vastelaovendjgezét uut. Ónger de naam ‘De Rogstèker’ kriêge de Wieërtenare dit blaad inne breevebös. Vôl mét trökblikke op ‘t aafgeloupe sezoen, mer ouch met de lèste informatie oeëver…

Vastelaovendjgezèt neet gekriêge?

Lees meer
Mieër noets