Zoek
Sluit dit zoekvak.
Zoek
Sluit dit zoekvak.

Preens Frank II preuftj aane optocht

16-02-2019

Eder jaor gaon lede van de optochtkemissie van de Rogstaekers mieërdere kieëre op bezeuk beej de bawwers van de groeëte wages, di-j mejdoon aane optocht. Met hölp van ’n aantal deskundige kieke ze dan wí-j d’r weurtj gebawdj, welke materiaole d’r waere gebroêktj en neteurlik ouch of alles veilig és, vuuërdet de wages doeër de Wieërter binnestad trekke.

Op zaoterdig 16 fibberwarie ging Preens Frank II mej nao ’n aantal locaties tiêdus dit zoeëgenaamdje “Wages kieke” en ’t mot gezagdj: hae kieëk zien oûge uut. Ouch waas Ziene Hoeëgheid êrg belangstellendj en hae vroôg hongderd-uut oeëver materiaole, wi-j lang det d’r gebawdj weurtj, oeëver de samestelling van de groep en alles waat nog mieër ter sprake koeëm. Zoeë hieët hae alvast e bitje kinne preuve van waat ‘m op zoondig 3 mieërt weurtj vuuërgeschoeëteldj in de groeëte optocht. En geluif mich, ’t weurtj zieër smakelijk.

 

(foto’s Jan Lormans)