Op 9 fibberwarie 2019 és Roger Jansen beneumdj tot Groeët Offeseer in de Orde van de Rog. Sinds 1997 és Roger lid van V.V. de Rogstaekers en in 2008 kriêg hae de Orde van Verdienste van de Samenwirkendje Limburgse Vastelaovesvereiniginge.
Hae zal nao dit sezoen ’n pûnt zétte achter zien actief lidmaatschap. Roger és in bekans alle kemissies actief gewaesj en zien hért loog vuuërâl beej de Jeugd. Zoeë és hae medeverântwoeërdelik vör ’t now laeve inblaoze vanne Huppelpupkes, waat ’n groeët succes és gewoeëre. Hae woor vuuërzitter vanne Evenemêntekemissie en ‘ne organisator pur sang. Dét és gebliêke tiêdes de Gulden Humor van 2010 en dét zâl ouch gaon bliêke tiêdes de Gulden Humor van 2021.
