Oppe maondjig kaome de besteurslede van de SLV (de Samenwirkendje Limburgse Vastelaovesvereiniginge) traditiegetraw nao de Boonte Aovendj in Wieërt. Det doon ze neet allein um 's lekker te kinne lache. Nein, mieëstal zette ze ouch ein of mieërdere persoeëne in 't zönke vanwege eur inzet vör de vastelaovendj in 't algemein of dae van Wieërt in 't bezûndjer.
Op 4 fibberwarie 2019 hebbe Stefan Jacobs en Dorus van den Bosch de Orde van Verdienste gekriêge. "Het bestuur van de Samewirkende Limburgse Vastelaovesvereniginge kan – op gemotiveerde voordracht van een Lidvereniging - de Orde van Verdienste toekennen aan een lid van de RvXI of Bestuur van een Lidvereniging op grond van méér dan gemiddelde verdienste voor de Lidvereniging," stieët d'r oppe website van de SLV te laeze oeëver de rieëje van dieës óngerschei-jing.
Stefan Jacobs
Dorus van den Bosch
