Zaoterdig 9 fibberwarie és beej Kefee De Hermeni-j oppe Muntpromenade de now vastelaovendjverseering met de noeëdige aandacht onthuldj. Langs de kânte és ein doeërloupende expositie gemaaktj van allerli-j stökke uut ’t archief vanne Rogstaekers.
Daobeej és gebroêk gemaaktj van foto’s van aod-vorste, optochtdeîlnemers en evenemênte, mer ouch van affiches, preensemedalies en programma’s van optochte en boonte aovendje.
’n Schitterendj oeëverzicht van waat met de Wieërter vastelaovendj doeër de jaore haer hieët te make en vormgegaeve in ’n jèske, waat ouch nao di-j daag nog good gedrage kin waere.
De oeëpening waerdje verrichtj doeër o.a. Preens Frank II, aod-kastelein Rob van Doeëre en Pierre Linssen, dae nog neet zoeë lang gelieëje hieël völ uniek materiaol hieët geschônke aan ’t Rogstaekersarchief.
(foto’s Jan Lormans)
