Eîn doeër wijlen Jan Tullemans gemaaktj mozaïek-kûnstwêrk mét ’n vuuërstelling van ‘ne rog, as symbool vanne Wieërter vastelaovendj, és in samewêrking mét verschillendje perti-jje verplaatsj. ’t Kûnstwêrk és noow te vînge op ’t paad vuuër de ingângk van RICK naeve ’t St. Raphaëlpaad.
E paar maondj gelieëje bereikdje os ’n verzeuk van Guy Aussems en Petra Kusters, de now eigenare van ‘t woeënhoês van wijlen Jan Tullemans aanne Emmasingel. ’t Mozaïk-kûnstwêrk paszje neer mieër inne now bestumming en mos daorum verplaatsj waere. Vae hebbe os as hoeders vanne “Rog” oeëver ’t kûnstwêrk ontfermdj. Al gaw blieëk ’t culturele middelpûnt van Wieërt, namelik ’t park/pleîn beej ’t St. Raphaëlpaad en RICK de béste locatie. In samewêrking mét de gemeindje Wieërt woort Kessels Wegenbouw en Bestratingen gevônge as partner um de verplaatsing te realizieëre. Zeuj hebbe ’t mozaïek-kûnstwêrk “wi-j ‘ne lègk-puzzel” oppernoets gelagdj, aldus directeur Thijs Mansvelt. Tiedes ’t Cultureel Lint op zoondig 22 september a.s. és d’r spesjaal aandacht vör ’t nowwe thoês van ’t mozaïek-kûnstwêrk. Mieër informatie volgtj tieëge daen tiêd. Bekiektj de video op YouTube.
