Linda Jacobs ontwêrptj now Stiêpelmedalie

23-08-2019

Eder jaor ontwêrptj ‘ne ângere creatieve Wieërtenaar de schoeën Stiêpelmedalies en pinkes vör “Ich bin ‘ne Rogstaeker®”.

Gruuëts prizzentieëre vae ’t creatief talênt det vör ’t sezoen 2019-2020 dieës gewildje verseêrsele gieët ontwêrpe: Linda Jacobs.

Linda és 29 lentes joonk, aafgestudieërdj as ontwikkelingspedagoog mer boeëvenâl ‘ne creatieve doeëzendjpoeët. Minse met ‘ne groeëte glimlach van adveês vörzeen oeëver veujing, vitamines en supplemênte deut ze al hieël wat jaore met völ plezeer beej de drogist aan ‘t Oranjeplein.

En as ’t dao neet és te vînge, dan ésj te vînge in zien eige wérreldj met ‘ne kwast of potloeëd inne hând. Mieër informatie és te vînge op www.atelierlinda.nl.  

’t Now pinke wurtj geprizzentieërdj oppe 11e vanne 11e.