Now ontwêrp pinke “Ich bin ‘ne Rogstaeker®

13-11-2019

 
Gruuëts prizzentieëre vae 't “Ich bin ‘ne Rogstaeker®” pinke vör 't sezoen 2019-2020. 't Nowwe pinke és ontwôrpe doeër Linda Jacobs van Atelier Linda en uutgewêrktj doeër Hans Moonen van 'aan15'. De onthulling és doeër de kunstenares zelf gedaon tiêdes de fieëstelikke jaorvergadering oppe 11e vanne 11e.
Dit jaor és gekoeëze vör 'n kluuërecombinatie en 'ne vorm dae geïnspirieërdj és op 't stadswaopen van Wieërt met 'ne artistieke inslaag. De “V” van vastelaovendj springtj d'r uut same met 'ne rog dae doeër de geometrische vormen zwumtj. De drejhook met spitse vorm deut dînke aan 'ne tandige gaffel. 't Zou gein werk van Linda zeen wannieër d'r neet nog iets in 't plaetje te ontdekke és, nao ’n bitje puzzel- en dînkwêrk.
't Speldje és verkrieëgbaar beej WarenHuis-conceptstore inne Bieëkstraot vör mînse deej zeen ingeschriêve as Rogstaeker®. Ingeschrieëve Rogstaekers® drage beej aanne instândhaojing vanne Wieërter vastelaovendj en drage dit uut mét dit unieke speldje.

 
 

Linda Jacobs deut al 'n paar jaor mej aan de Koldergallereej en hieët dit jaor 't pinke vör "Ich bin 'ne Rogstaeker®" ontwörpe. Linda és heej mer al te gruuëts op en zow gaer zeen det edereîn met de vastelaovendj dit speldje hieët opgestoeëke. Daorum guftj 't ouch uutlègk, wi-j dejje dao aan kintj kaome.