B.O.V.A.G.: now band oppe Boonte Aovendje

21 januari 2020

Binnekort bringtj Stadsvastelaovendjvereîniging De Rogstaekers wieër 9 Boonte Aovendje oppe plênk van ‘t Munttheater. Al maondje lânk wurtj d’r haard gewêrktj aan dieës now productie mét völ humor en meziek. Naodet vuuërig jaor aafscheid és genoeëme van de Boonte Aovendj Bend (B.A.B.) zeen de Rogstaekers d’r gruuëts op dit jaor ‘n gehieël now muzikaal gezelschap te kunne prizzentieëre beej de 9 Boonte Aovendje.

De now band zal zieën debuut make op 24 jannewarie en luuëstertj nao de naam ‘Boont Ongeluifelik Vrieët Aovendj Gezelschap’, aafgekortj B.O.V.A.G. Mer leefst 7 muzikânte vorme same dieës gelegenheidsformatie: Sanne Heuijerjans (lead vocals), Olivier de Jong (drums), Thijs Verheul (toetse), Martijn Mennen (gitaar), Tim Florack (basgitaar), Björn Wiermans (trompet/backing vocals) en Richard Schreurs (trombone). ’t Tiêdje trök doeëk de band de studio in um de single ‘Mer vae goan doeër’ op te neme. De single met beejbehuuërendje videoclip és ouch te beluuëstere en te bekieke via ‘t Youtubekanaal en de Facebookpagina van de Rogstaekers en de band.

Effe 'n vuuërstelrondje van B.O.V.A.G. tiêdus 'n rippetitie. Met de originieële geluidsbând d'r achter, dus hieëlemaol lipsynchroon és 't neet, mer det maaktj 't filmke neet minder leuk!


Tags: - -

Kiektj ouch us beej:

10 maart 2022

Dit jaor hieët V.V. de Rogstaekers, same met înkel kepélle, ’n aantal minse in ’t zönneke moôge zétte. Um verschillendje rieëje kriêge dieës minse inne aanloup nao de vastelaovendj van 2022 ’n bezeûkske van ‘n…

Serenades, Óngerscheidinge en Bloôme

Lees meer

22 februari 2022

Op zaoterdig 26 fibberwarie zeen alle wichter van Wieërt van hérte welkom op de jaorlikse Wichterfieëstmiddig in Kefee de Brouwer oppe Oelemêrrentj. Tösse 14:00 en 17:00 oor és de dânsvloer vör de jeugd. En det…

Zaoterdig 26-02: Wichterfieëstmiddig

Lees meer

19 februari 2022

Naodet de Jeugdpreens met adjedânte en gevolg exemplare van ’t Rogstèkerke haaje roondgebrachtj, woeërt ’t gezelschap doeër beiaardier Frank Steijns uutgenuuëdigdj um same met hem de trappe van de Martinustoeëre te beklumme. Zoeë kos ederein…

Beiaardconcert met Wieërter lidjes

Lees meer
Mieër noets