Op zoondig 26 jannewarie 2020 woeërt Rens Damhuis uutgerope tot Jeugdpreens Rens I.Jeugdpreens Rens és op ieërste Körstdaag 2007 geboeëre en woeëntj in ’t begîn vanne waek beej papa Luuk Damhuis op Luuëke en inne twieëdje helft vanne waek beej mama Cindy Frencken op Bosseve. Rens hieët ‘ne groeëte broor, Stan van 13 jaor aod, en ’n jónger zösterke, Isé van 10. In ’t dageliks laeve prebieëre juf Ilona en juf Lynn vanne Montessorischoeël Jeugdpreens Rens I wat slûmmer te make, en dét gieët heur aardig aaf.
In ziene vreeje tiêd és Jeugdpreens Rens ‘ne fanatieke hoeëgsprînger beej de AV Wieërt en zjuust wi-j de mieëste van zien laeftiêdsgenoeëte spuuëltj hae ouch gaer ’n spelleke op ein of ânger schêrm.
Gewoeën umdét ’t kân en umdet ederein zichzelluf moôg zeen hieët Rens sinds ’n jaor of viêf altiêd twieë verschillendje zök aan.
Neet verwôngerlik det hae hieët ingesteldj:
de ‘Orde vanne verschillendje Zök’
(Foto: Flitzer!)
Same met zien Adjudânte Mo Philipsen, Valerie Peeters en Dylan Bouten, de Jeugdraod van Elluf en de Huppelpupkes gieët Jeugdpreens Rens I de Wieërter wichtervastelaovendj vuuër ónger zien devies:
VANAAF VANDAAG TRÉK ICH MIEN ZÖK WAT HOEËGER OP,
DIEËZE VASTELAOVENDJ ZÉT ICH WIEËRT OP ZIÊNE KOP!
Laesj wieter oppe
