De Rogstèker 2020: ouch aaf te hale of digitaal te laeze!

3 februari 2020

Eder jaor brînge de Rogstaekers de vastelaovendjgezét uut. Ónger de naam 'De Rogstèker' kriêge de Wieërtenare dit blaad inne breevebös. Vôl mét trökblikke op 't aafgeloupe sezoen, mer ouch met de lèste informatie oeëver waat d'r dit jaor allemaol stieët te gebuuëre met de vastelaovendj.

En behâlve alles oeëver oeës now Preense, zeeje fotookes van de Jeugdraod en de Huppelpupkes en kujje lache met wat kromme zeîver

De aafgeloupe dage és de vastelaovendjgezèt hoês-aan-hoês in Wieërt bezörrigdj.

’t Keumtj helaas dèk vuuër det dan toch neet edereîn de gezét hieët gekriêge. Beej de eîne umdet d’r in deej straot geine bezörriger és gewaesj en beej ‘ne ângere doeërdet d’r ‘ne sticker “Geen reclame” oppe breevebös zitj. Vör alle mînse deej de gezét gaer wille hebbe: dae és  vanaaf goonsdig 5 fibberwarie gratis aaf te hale oppe volgendje verkoûppûnte en op = op:

  • Partytime, Maasport 60
  • Paquay-Carnaval, Langstraot 10
  • WarenHuis-conceptstore, Bieëkstraot 54
  • Kaas & Ko, Muntpassage 79
  • Van Bun, Muntpassage 7
  • Pede-XL Weert, Langstraot 35-39
  • Feest- en Carnavalswinkel De Boemelaar, Langstraot 32
  • Schoenmakerij Grosfeld, Langstraot 54

En as dejje d'r neet de duuër vör uutwiltj: gae kintj de gezét ouch als pdf bekieke. Kliktj'op 't roeëje (Adobe-)logo um de gezét meteîn te oeëpene of op de blawwe bâlk um ze te downloade. Of laesj de gezét in tiêdschriftformaat,


Tags: - -

Kiektj ouch us beej:

21 mei 2020

Aafgeloûpe maondj hieët V.V. de Rogstaekers ‘ne ‘Tjéllensj’ uutgeschriêve woeëbeej Wieërtenare uutgedaagdj woôrte um ’n eige persiflaasj te make oppe alum bekindje Rogstaekerslegende. Dao és massaal gehuuër aan gegaeve. Dao zeen toch hieël wat creatief…

Rogstaekers Tjéllensj – De Uutslaag

Lees meer

18 april 2020

Stadsvastelaovendjvereîniging de Rogstaekers daagtj ederein uut um ‘n persiflaasj te make oppe Rogstaekerslegende. Bieëldj zelf de waalbekindje Rogstaekerslegende uut en maaktj d’r foto’s van, maaktj ‘n eigentiêdse teîkening of schilderi-j, ‘ne film of… zeêtj creatief!…

Rogstaekers-Tjéllensj

Lees meer

25 februari 2020

Naodet op zoondig de groeëte optocht neet doeër kós gaon vanwieëge ‘t slechte waer, waas ‘t oppe maondjig gelökkig wat baeter roond de tiêd det de wichteroptocht mós gaon trekke. En det woeër te mêrke….

Wichteroptocht 2020: de priêze!

Lees meer
Mieër noets