Letste noets: OPTOCHT AAFGELASJ!

22 februari 2020

Wieëges de slechte waersvuuërspellinge hieët Stadsvastelaovendjvereiniging de Rogstaekers besloeëte um de “Groeëte Rogstaekersoptocht” van zoondig 23 fibberwarie aanstaondje aaf te gelaste.

Doeër de groeëte inspanninge van optochtdaelnemers, vreejwilligers en organisâsie és dit ‘n zwaor en emotioneel besloêt. Echter uut oeëverlégk met meteodeênste, gemeindje en hölpdeênste és de conclusie getrokke dét de veiligheid vör daelnemers en bezeûkers, vanwieëge haarde wîndjstoeëte en bújje, neet te garandieëre és.

Gekiêke nao alle opties zâl de optocht néét verplaatsj waere en zâl de 85e “Groeëte Rogstaekersoptocht” op zoondig 14 fibberwarie 2021 oeëver de Wieërter singels trékke.

‘t “Fieëst oppe Mêrrent” van zoaterdig en zoondig zâl verplaatsj waere nao de Poort van Limburg.

De festiviteite op maondjig 24 fibberwarie (“Wichteroptocht” en “Wieërter 11”) en dieënsdig 25 fibberwarie (“Fieëst oppe Mêrrentj”) zölle vuuërasnog wi-j gepléndj doeërgângk vînge.


Tags: -

Kiektj ouch us beej:

21 mei 2020

Aafgeloûpe maondj hieët V.V. de Rogstaekers ‘ne ‘Tjéllensj’ uutgeschriêve woeëbeej Wieërtenare uutgedaagdj woôrte um ’n eige persiflaasj te make oppe alum bekindje Rogstaekerslegende. Dao és massaal gehuuër aan gegaeve. Dao zeen toch hieël wat creatief…

Rogstaekers Tjéllensj – De Uutslaag

Lees meer

18 april 2020

Stadsvastelaovendjvereîniging de Rogstaekers daagtj ederein uut um ‘n persiflaasj te make oppe Rogstaekerslegende. Bieëldj zelf de waalbekindje Rogstaekerslegende uut en maaktj d’r foto’s van, maaktj ‘n eigentiêdse teîkening of schilderi-j, ‘ne film of… zeêtj creatief!…

Rogstaekers-Tjéllensj

Lees meer

25 februari 2020

Naodet op zoondig de groeëte optocht neet doeër kós gaon vanwieëge ‘t slechte waer, waas ‘t oppe maondjig gelökkig wat baeter roond de tiêd det de wichteroptocht mós gaon trekke. En det woeër te mêrke….

Wichteroptocht 2020: de priêze!

Lees meer
Mieër noets