Rogstaekers-Tjéllensj

18 april 2020

Stadsvastelaovendjvereîniging de Rogstaekers daagtj ederein uut um ‘n persiflaasj te make oppe Rogstaekerslegende.

Bieëldj zelf de waalbekindje Rogstaekerslegende uut en maaktj d’r foto’s van, maaktj ‘n eigentiêdse teîkening of schilderi-j, ‘ne film of… zeêtj creatief!

De schoeënste, kwântste en creatiefste inzending wintj ‘t ‘Gouwe Rog-verrassingspakket’, de mieëst ludieke en kolderieke inzending wintj ‘t ‘Knouwel-pakket’ en wichter t/m 12 jaor make kâns op ‘t ‘Zulvere Knoeëk-wichterpakket’. Daonaeve verloeëte vae ónger alle daelnemers 10 kaarte vör de ieërstvólgende edities van de Boonte Aovendj en Boonte Femiêliemiddig.

2020-04-18Legende Schilderij

2020-04-18Legende Prent

Steûrtj eur creatie (of foto’s heejvan) uuterlik 18 mei aanstaondje in per mail aan info@vvderogstaekers.nl.
Jeugdige daelnemerkes vermélde heûre laeftiêd en wiêter vermélde de daelnemers heur contactgegaeves, welke allein waere gebroêktj um de winnaars persuuënlik te benadere.

De priêswinnaars waere op Hemelvaartsdaag 21 mei 2020 bekindj gemaaktj via de bekindje mediakanale.

Vuuërwaerde és dat ederein zich hultj aane richtliêne van ‘t RIVM en daelnemers stumme in dét heûr creaties via de mediakanale van V.V. de Rogstaekers gedaeldj waere.

Alvast hieël völ plezeer en succes… en…  “Haodj uch!”


Tags: -

Kiektj ouch us beej:

10 maart 2022

Dit jaor hieët V.V. de Rogstaekers, same met înkel kepélle, ’n aantal minse in ’t zönneke moôge zétte. Um verschillendje rieëje kriêge dieës minse inne aanloup nao de vastelaovendj van 2022 ’n bezeûkske van ‘n…

Serenades, Óngerscheidinge en Bloôme

Lees meer

25 februari 2022

Op dieënsdig 1 mieërt zal Jeugdpreens Sjoerd I d’r toch echt aan mótte geluive. Naodet hieël wat hermeniekes en kepelle ’s middigs ongetwiêfeldj vör de noeëdige meziek hebbe gezörgdj és ’t um 19:11 oor zoeë…

Dieënsdig 1 mieërt: Abdicatie

Lees meer

20 februari 2022

Op zoondig 20 fibberwarie 2022 kriêg Sjoerd I de sluuëtel van ’t stadsachterpörtje uutgereiktj doeër börgemeister Raymond Vlecken. Det gebuuërdje oppe trappe van ’t aod stadhoês oppe Mêrrentj. Aansloêtendj mocht oeëze Jeugdpreens nog hieël wat…

Sluuëteloeëverdracht Jeugdpreens Sjoerd I

Lees meer
Mieër noets