Ludieke sponsoractie van Sligro Wieërt

17 februari 2021

“Gy lompe Weertenaers weet gewis, dat dit heden was mynen vis”.

Mét di-j wuuërd eindigtj de Rogstaekerslegende, woeë-aan de Wieërtenare eure beejnaam te dânke hebbe. Det de rog en Wieërt onlosmakelik mét elkaar zeen verbônge is algemeîn bekindj, mer det de rog ouch 'ne êrg lekkere vés és, weîte minder minse.

Op Asgoonsdig, de daag det Wieërtenare zich oeëver 't algemein begaaje aan de hieëring, és Sligro Wieërt daorum 'n actie gestartj um 't symbool van dieës stad te promote én op di-j meneer gêldj beejeîn te brînge vör de Rogstaekers.

De actie luiptj tot 't begîn vanne vastelaovendj in 2022. Vör edere kilo rogvluuëgel, dae beej de Sligro in Wieërt wurtj verkochtj, wurtj € 1,00 gedonieërdj aan Stadsvastelaovendjvereîniging de Rogstaekers. De ieërste donatie à € 95,00 és al doeër Sligro gedaon, eine euro vör eder jaor det de vereîniging bestieët.

De actie woeërt op ludieke meneer gestartj. In 't beejzeen van ‘Jan de Staeker’ krieëg Kanseleer Jasper 'ne echte rog oeëverhândigdj.

(foto's: Weert de Gekste)

 

 

 


Tags: -

Kiektj ouch us beej:

11 april 2021

Update van 20 juli 2021: Regio Loterij és gestoptj  De Regio Loterij és gestoptj umdet de verkoup van loeëte achterbliêftj beej de verwachtinge. Koupers van loeëte kriêge eur gêldj trök. Mieër informatie heej-oeëver és te…

Regio Loterij és gestoptj

Lees meer

11 november 2020

’t És vandaag de 11e vanne 11e, de markieëring van de start van ’t viêfdje sezoen. Mer de vastelaovendj zâl kaomendj jaor met de stil trom aan os vörbeej trékke. D’r zeen op dit momênt…

Vae gaeve ‘t Vastelaovendjveur doeër!

Lees meer

21 januari 2021

  Op maondjig 1 fibberwarie hieët Jos van Dooren van JVD Productions beej ‘t Rogstaekersmonumênt ‘t ieërste exemplaar van Vastelaovendjgezét De Rogstèker 2021 uutgereiktj aan Kanseleer Jasper. In de loup van waek 5 és dieës…

Vastelaovendjgezét ‘De Rogstèker’ noow verkriêgbaar

Lees meer
Mieër noets