Regio Loterij és gestoptj

11 april 2021

Update van 20 juli 2021: Regio Loterij és gestoptj 

De Regio Loterij és gestoptj umdet de verkoup van loeëte achterbliêftj beej de verwachtinge.

Koupers van loeëte kriêge eur gêldj trök. Mieër informatie heej-oeëver és te laeze op www.regio-loterij.nl


 

V.V. de Rogstaekers deut mej aan de Regio Loterij Weert

2021-04-11RegioLoterij875x875W

 

Beej de Regio Loterij Weert gieët de opbrîngst nao vereîniginge en organisaties in Wieërt en directe umgaeving. Doeër ’n loeët te koupe stuuëndje dieës vereîniginge en dus ouch de Rogstaekers direct.
Vae Rogstaekers gaon dieës beejdraag gebroêke vör de Wieërter wichtervastelaovendj, zoeëdet vae ’t fieëst van vastelaovendj doeër kunne bliêve gaeve.

 

Start verkoup

De verkoup és gestartj en de loeëte zeen te koup via www.regio-loterij.nl

D’r waere maximaal 20.000 loeëte verkochtj en de priês per loeët bedraagtj € 39,95. Uutgangspûnt és det d’r minimaal 12.500 loeëte verkochtj waere. As det aantal neet wurtj gehaaldj dan kriegdje eur sênte trök.

Dikke priêze

D’r zeen dikke priêze te winne. Behâlve dejje de Wieërter vereîniginge stuuëntj met eur daelname zeen d’r vörâl ouch prachtige priêze te winne. De hoeëfdpriês és ‘ne Audi e-tron Sportback Business edition inclusief ‘ne laadpaol dae beej uch aan hoês wurtj geïnstallieërdj. De twieëdje priês és ‘n luxe all-in cruisevekânsie (mét businessclass vleêgtickets) en de dérdje priês és ‘n now kuuëke t.w.v. € 15.000,00. Dao boeëvenop és d’r nog ’n groeët aantal ânger priêze wi-j e-bikes, ‘ne qled tillevies en ouch nog ‘ne houp gêldjpriêze. En alles waat dejje wintj és belastingvreej!
Alle priêze zeen te bekieke op de website vanne regioloeëteri-j 

Trékking op 29 augustus

De trékking és op zoondig 29 augustus live beej te woeëne in hértje stad Wieërt. Roontelum de trékking zâl ’n gezellig evenemênt waere georganisieërdj en ’t gehieël zâl via ‘n livestream waere uutgezónde. De trékking stieët ónger tówzicht van Notaris Joost Houben van MHK Notarissen Weert. Stuuëntj de Wieërter vereîniginge en maaktj kâns op ein van de prachtige priêze.
Kouptj noow eur loeëte via www.regio-loterij.nl


Tags: -

Kiektj ouch us beej:

23 december 2020

Gruuëts prizzentieëre vae uch, in samewêrking met De Meijboom Kleding en kado atelier, oeës merchandisecollectie.   D’r zeen allerli-j artikele, wi-j slabbertjes en T-shirts, mer ouch raamstickers en zelfs môndkepkes mét ‘t logo van ‘t…

Wînkelwaar (merchandise)

Lees meer

24 december 2020

Vastelaovendj és ’n fieëst met historie, cultuur en traditie. En dao zeen vae in Wieërt mèr wat gruuëts op! Al jaore lânk belaeve joônk en aod heej völ plezeer aan. Doeër de jaore haer hebbe…

Vastelaovendj és springlaevendj

Lees meer

11 november 2020

’t És vandaag de 11e vanne 11e, de markieëring van de start van ’t viêfdje sezoen. Mer de vastelaovendj zâl kaomendj jaor met de stil trom aan os vörbeej trékke. D’r zeen op dit momênt…

Vae gaeve ‘t Vastelaovendjveur doeër!

Lees meer
Mieër noets