Zoek
Sluit dit zoekvak.
Zoek
Sluit dit zoekvak.

Uutrooping 70e Rogstaekers Jeugdpreens

30-01-2022

Înkel waeke gelieëje hebbe vae de onvermiêdelike conclusie mótte trékke det ‘t gewînzje vastelaovendjprogramma vör 2022 neet realistisch és. D’r zâl geine Stadspreens waere uutgeroope en d’r zulle dit jaor gein Boonte Aovendje en Boonte Femiêlie Middige, gein Boorebâl en gein optochte zeen.
Tóch zâl ‘t op 27 en 28 fibberwarie en 1 mieërt vastelaovendj zeen.

70e Jeugdpreens van Wieërt
Met ‘t uutroope vanne 70e Jeugdpreens, op vriêdig 18 fibberwarie um 19:11 oor, kriegtj de Wieërter vastelaovendj tóch ‘ne vuuërgènger.
Same met z’n Adjudânte, Jeugdraod van Ellef en Huppelpupkes gieët de Jeugdpreens d’r vör zörge dét de zjuuste toeën geraaktj zâl waere tiêdes dieëze bezûndjere editie van ‘t “viêfdje sezoen”.

Uitrooping live te volge vör ederein
De uutrooping vanne 70e Jeugdpreens van Wieërt zâl plaatsvînge in ‘t beejzeen van de Jeugdraod van Ellef, de Huppelpupkes en înkel genuuëdigdje. ‘t Groeëte publiek kân live getuûge zeen van dit fieëstelike spektakel via de website van Weert de Gekste en de Facebookpagina van VV de Rogstaekers. De uutzending startj op vriêdig 18 fibberwarie as. um 19:11 oor.

Aangepasj programma
Vör de jeugd és ‘n aangepasj programma samengestéldj woeëbeej de Wieërtenare mieërdere kieëre verrasj zulle waere doeër dieëze enthousiaste groep jóng vastelaovendjveerders.
Heejbeej zulle de géldendje maotregele in acht waere genoeëme, mer vörâl wurtj d’r völ plezeer gemaaktj én gebrachtj.


Weer gein Boonte Aovendje en Boonte Femiêlie Middige, gein Boorebâl en gein optochte dit jaor. Stefan Wolter wiltj ‘mieër vastelaovendj’ en dáo kân Kanseleer Jasper ‘m mej hêlpe…