Sprookjes bestaon… Ónger det thema zeen de Rogstaekers 3 jaor gelieëje begonne aan de vuurbereiding van de Gulden Humor 2021. 'n Prachtig spektakel waat in november vuuërig jaor plaats haaj motte vînge, mer woeëvör 't dook jaomer genog te vreug gevalle és. Mer... as dejje in sprookjes blieftj geluîve, dan keumtj uuteindelijk alles weer good. En zoeë hebbe vae zaoterdig 17 september eindelijk de kroeën op 't wêrk moge zette en Huub Stapel moge ieëre met de Orde van de Gulden Humor. 't Waas 'ne prachtige, intieme aovendj in de feeërieke umgaeving van de Paterskêrk in Wieërt. Same met oeës zöstervereîniginge van de Samewirkende Limburgse Vastelaovesvereniginge hebbe vae genoeëte van 'n schitterendj programma vôl muziek, humor en sprookjesechtige taferieële. Met 'n dânkbaar en gruuëts geveul gieët 't sprookjesbook noow tow.
(Foto's Johan Horst)
