'n Rechtstreeks gevolg van 't uutroope van oeës Preenselike Hoeëghede és det de jaorlikse vastelaovendjgezét De Rogstèker weer wurtj uutgebrachtj. Ouch dit jaor és de gezét 'n kluuërriêk en good verzörgdj kiêk- en laesblaad gewoeëre.
Vanzelfspraekendj siertj 'n foto van Stadspreens Paul I en ziene zoeën Jeugdpreens Kai I de vuuërpagina. In de gezét kujje neteurlik kinnis make met oeës Preense en vingdje 'n uutgebrèdj oeëverzicht van 't vastelaovendjprogram van dit jaor. Vertrawdje programma-ongerdaele, wi-j boorebâl en optochte kaome aan bod, mer ouch now evenemênte, wi-j 't Fieëst van Nix18, de Seniorematinee, 't Optochtbâl en de Kieëtele Dieënsdig.
Twieë Wieërtenare met 'n bekindj gezicht beântwoeërde de bekindje 11 vraoge, d'r és knouwel en kromme zeîver; jubilieërendje vereîniginge waere in 't zunke gezatte, zjuust wi-j oeës jongste Kammeräödje Gerdy Janssen-Hartholt.
De gezét wurtj de kaomendje tiêd roondgebrachtj, mer minse met 'ne <Nein - Nein> sticker oppe breevebös kunne ouch terecht beej de bekindje ophaaladresse. En kujje zoeë lang neet wachte, laeszje leêver van 'n schêrm of woeëndje in Oeteldonk of Kwakbollenpoel, dan vingdje de digitale versie al in oeës Rogstèker Gezétte Archief.
Völ laesplezeer!
