Zoek
Sluit dit zoekvak.
Zoek
Sluit dit zoekvak.

Rabo Club Support

05-09-2023

Minse, di-j 'n bânkraekening hebbe beej de Rabobânk kunne zich via de website of via de app ouch aanmelde as lid van de bânk en daomej zeen ze gemachtigdj um drej stumme aan drej (verschillendje) vereîniginge uut te brînge beej de actie Rabo Club Support. Daomej stuuëne ze dieës vereîniginge middels een subsidie van de bânk. Wi-j mieër stumme, wi-j hoeëger de beejdrage van de bânk.

Same met völ vreejwilligers zette de Rogstaekers zich in um de traditie van ‘Vastelaovendj’ in Wieërt in stând te haoje. D'r waere activiteite wi-j Bônte Aovendje en optochte georganiseërdj.

De opbringst van de actie vanne Rabobânk és bestumdj um 't immaterieël êrfgood -waat de schoeën traditie van ‘Vastelaovendj’ namelik és- en waat vae van oeës vuuërgéngers hebbe geêrfdj, in stând te haoje, woeë noeëdig aan te passe aan de tieëgewoeërdige tiêd en weer doeër te gaeve, zoeëdet ‘Vastelaovendj’ in Wieërt blieftj bestaon. Ouch zeen vae as vereîniging 't as oeës taak d'r vör te zörge det de organisatorische en financieële basis op orde és.

Vae hebbe heejvör de häölp noeëdig van völ enthousiaste vreejwilligers, neet alleîn vor organisatorische take, mer vörâl op artistiek en creatief gebied vör tekste en meziek, vör kleî-jer en grime, vör 't make van decors en de creatie van praalwages en nog völ mieër. Daorum:

bringtj eur stum uut oppe Rogstaekers!