NIKS UM 'T LIÊF
Mét det thema prizzentieëre de Boonte Aovendj-artieste zich vanaaf 12 jannewarie vör 'n reeks van acht Boonte Aovendje en twieë Boonte Femiêliemiddige in 't Munttheater Weert.
Dao kujje ouch eur kaarte bestélle.
Gae kintj op eur gemaak thoês via de website eur eige plaats uutkeêze, mer as dejje det leêver dootj, kujje det ouch, asse oeëpe zeen, aane balie van ’t Munttheater gaon doon.
Wieërtenare herkindje oonger ângere aan eure humor dae dék nêrges oeëver gieët. En as 't dan waal êrges oeëver gieët, dan ooëver lokaal zake of um minse complieët oppe hak te neme. Zalig gewoeën! Schoeën és det 't allemaol in 't plat gieët, in 't eige taaltje det Wieërtenare verstaon en woeë-in de klânk dék zieët waat d'r wurtj bedoeldj. Wildje det mejbelaeve? Komtj dan nao eîn van de Rogstaekers Boonte Aovendje of Femiêliemiddige. Na zoeë 'nevvërstelling met rap wisselendje sketches wejje weer, woeërum dejje d'r gruuëts op zeetj ‘ne échte Wieërter’ te zeen!
