Van vriêdig 12 jannewarie t/m zaoterdig 20 jannewarie 2024 és de bühne van 't Munttheater weer gerisservieërdj vör de jaorlikse serie Boonte Aovendje en Femiêliemiddige van de Rogstaekers.
Ouch dit jaor hebbe vae ’ne schoeëne Boonte Aovendj en Boonte Femiêlie Middig vör uch ineîn gezatte. En det alles onger 't centrale thema: "Niks um 't liêf".
Laotj uch verrasse doeër de Boonte Aovendj-artieste di-j ’ne völzijdige aovendj brînge met völ lôl en flawwekûl. 't "Boonte Ongeluifelik Vrieët Aovendj Gezelschap", ofwaal BOVAG, zâl weer zörge vör de muzikaal umliêsting.
Ouch de Boonte Femiêlie Middig-artieste zulle d’r gegarandieërdj weer ’ne schoeëne middig van make.
LETJ OP: Kaarte vör de Gala Boonte Aovendj op zaoterdig 13 jannewarie kunne ALLEÎN waere besteldj doeër e mailtje te steure nao
Kaarte vör de oeëverige aovendje en vör de Boonte Femiêliemiddige zeen te kriêge beej 't Munttheater.
Kiektj daovör oppe speciaal pagina van 't theater.
Kouptj ze oppe tiêd, zoeë dejje verzieëkerdj zeetj van 'n gooj plaats.
Neteurlik keumtj 't SLV oppe maondig op bezeuk en weurtj de medalie van 't Kammeräödje uutgereiktj oppe donderdig, mer de echte hoeëgtepûnte zeen vanzelfspraekendj de uutroping van de 78e Stadspreens tiêdes de Gala Aovendj op zaoterdig 13 jannewarie en de bekindjmaking 'ne daag later van de 72e Jeugdpreens.
