Stadsvastelaovendjvereîniging De Rogstaekers bringtj ’ne app uut, woeë-in alle informatie és te vînge roontelum de vastelaovendj-aktiviteite inne binnestad.
De app
Mét de vastelaovendj és d’r in Wieërt hieël wat te doon. Zoeë völ, dejje messchiens gezellige aktiviteite misj, umdejje ’t oeëverzicht kwiêt zeetj.
Mer mét de nowwe app ‘Vastelaovendj inne Stad’ kân uch det neet mieër oeëverkaome. Naeve ’t complieëte program van de Rogstaekers en ’n volledig oeëverzicht vanne Groeëte Rogstaekersoptocht met extra informatie oeëver de daelnemers és d’r van alles te vînge oeëver de activiteite, di-j inne kefees in de Wieërter binnestad waere georganisieërdj.
Kefees
Boete de groeëte evenemênte oppe Mêrrentj en Nowwe Mêrrentj wi-j Wieërt A-laaif, Preensebâl en de priêsuutreiking vanne Rogstaekersoptocht, és d’r neteurlik ouch hieël wat te doon inne kefees inne binnestad van Wieërt. Mét dieës app beeje De Rogstaekers ’n extra podium, woeë de kasteleîns eur programma kunne daele mét de vastelaovendjveerders. Kasteleîns kunne eur programma en activiteite maile nao app@vvderogstaekers.nl
De app és gratis te downloade inne Google Play Store of inne Appstore van Apple ónger de naam ‘Vastelaovendj inne Stad’ of via de beejgaondje QR-codes.
Mét behölp van pushnotificaties op eure tillefoon kujje oppe huuëgdje waere gehaoje van alle activiteite.
QR-code vör Android
Vastelaovendj-app
QR-code vör iOS
