Naodét de editie van ‘t WVLF dit jaor geine doeërgânk kós vînge lieëk de traditie van ‘t "Vastelaovendjlidje van ’t jaor" doeërbroeëke te waere. Noow keumtj d’r asnog ’n online verkeêzing!
WVLF
Ieërder woeërt doeër de organisatie van ‘t Wieërter Vastelaovendj Lidjes Festival aangekondigdj det d’r te weinig inschriêvinge woore vör de 5e editie. Daomej woor ‘t helaas neet muuëgelik um dieës editie te organisieëre.
Waal woore d’r mer leefst 7 inschriêvinge uut ‘t Wieërterlând vör ‘t LVK. Achter de schêrme és um
di-j rieëje oeëverlégk gewaesj tösse de organisatie van ‘t WVLF, De Rogstaekers en de betrokke artieste. Doel van ‘t oeëverlégk woor um uut te zeuke of d’r toch nog ‘n meneer woor um tot ‘t Vastelaovendjlidje 2024 te kaome.
‘t Blieëk op dieëze korte termien echter neet mieër muuëgelik um ‘n fysieke editie te organisieëre. Daonaeve doon ouch neet alle 7 ingeschrieëve LVK inzendinge mej umdét de agenda’s det helaas neet mieër tówlieëte.
Online editie
Dit jaor wurtj van 2 tot en met 5 jannewarie ‘n online stumming gehaoje um te bepaole welk lidje de Vastelaovendjschlager van 2024 mot waere.
Ederein dae de “Vastelaovendj inne Stad”-app hieët gedownloadj kân mej stumme.
Downloade kân doeër heej-ónger de QR-code te scanne met eure tillefoon.
Dieës veer lidjes gaon mejdinge nao de titel Vastelaovendjschlager van ‘t jaor 2024:
Ronald en Carien: Neet oet te legke
Stefan Wolter: Zaate Hermeni-j in miene Kop
De Köpkes: Mân met de Hamer
Laurens Vossen: Vae höffe ut glaas
QR-code vör Android
Vastelaovendj-app
QR-code vör iOS
