De 11-jaorige Wes van Goor gieët dit jaor de Wieërter Wichtervastelaovendj vuuër as Jeugdpreens Wes I vanne Rogstaekers.
Same met z’n mam en pap, twieëlingzösterke Saar (hae és 9 menute aojer), groeëte broor Kai en hamster Theo woeëntj de Jeugdpreens op ’t Heerspad op Laor, in ’t riêk vanne Moêzevângers. Ouch hieët hae nog e groeëte zus Boyenne.
Mam és Chantal Gijsen, e dochter van Aod-Piepkuûkespreens Ton van Pier van Gijsen Koeëb en Lenie van Wullemke Cloudt. Pap és Harold van Goor, ‘ne zoeën van Fred en Annie van Goor vanne Kedodder.
(foto's: FLITZER! fotografeert)
Doeër de waeks kujjae de kleine Hoeëgheid vînge in groep 8 van IKC Laor, woeë de allerleêfste juf Maud ‘m prebieërtj wat beej te lieëre.
Dao hieët hae gooje’n’aard, mer völ leêver vluuëgtj hae oppe vêldje van SV Laor de hieële rechterkânt aaf inne JO12-1.
Daonaeve laeftj hae zich twieë kieër per waek uut beej Boxing Ni-jwieërt en as dét nog neet sportief genóg és, gieët hae inne wîntjer gaer skië inne Oeësteriêkse bêrg.
Of ’t noow thoês, op schoeël, beej de voetbalclub of op ’n spuuëlvêldje op Laor és, Wes és ‘ne echte batjakker dae hultj van kuite. Daorum hieët hae de ‘Orde vanne Kuitendje Batjakker’ ingestéldj.
Al wi-j hae klein woor droumdje hae van ’t Preensschap. Met ’ne mântel en ’n staek spuuëldje Wes al wi-j hae vuuërop ging inne polonaise.
Ziêne kammeraod Teun Strijbos és al vanaaf groep 2 ziêne “vaste Adjudânt”, dus dae kân ouch noow neet ontbraeke.
Twieëlingzöster Saar en heûr bêste ‘matti’ Mila Geraedts make as Adjudântes ‘t Jeugdpreenselik gezélschap complieët.
Same met de Huppelpupkes en Jeugdraod van Ellef gaon dieës wichter d’r ‘ne fantastische vastelaovendj 2024 van make, ónger ’t devies van Jeugdpreens Wes I:
