Zoek
Sluit dit zoekvak.
Zoek
Sluit dit zoekvak.

Preens Ruud I pléktj good

28-01-2024

Wages kieke

In di-j paar waeke nao zien uutrooping és Preens Ruud I al hieël wat kieër oppe foto gezatte en 't mót gezagdj waere: hae pléktj good.
Op zaoterdig 27 jannewarie waas hae op uutnuuëdiging vanne Optochtkemissie van de Rogstaekers presênt beej eîn van de bezuuëke, di-j de kemissie jaorliks ónger de titel "Wages Kieke" bringtj aan de wagebawwers, di-j mejdoon inne Wieërter optocht.

De Rogstaekerspreens és in 't verlieëje zelf actief gewaesj beej de Flabbusse en wètj dus mer al te good waat d'r allemaol keumtj kieke beej 't bawwe van 'ne wage. Hae waas op e gegaeve memênt dan ouch zelf mét de plekbörstel te zeen. Op de verschillendje locaties kaldje hae volop en met verstând van zake mej mét de minse, di-j al maondje in de wieër zeen um straks op Vastelaovendjzoondig de kiekers langs de kânt te verlokke de noeëdige 'Ooohhs' en 'Aaahhs' uut te brînge. Want d'r wurtj weer hieël wat schoeëns gefabricieërdj, det waas wul duuëdelik. En of d'r noow gelasj, getummerdj of gepléktj wurtj, op 't îndj és d'r hieël wat verf beej noeëdig en van al det wêrke kriêge de bawwers ouch wul 's dorst.

(foto's: Johan Horst)