Archief Medalies

De nowwe Gouwe Rog ontwôrpe en gemaaktj doeër Goudsmid-atelier Diana van der Linden

Indj 2015 kreêg Diana van de der Linden van V.V. de Rogstaekers de opdracht um ‘ne nowwe Gouwe Rog te ontwêrpe en te make dae weer beej de tiêd waas.De Gouwe Rog dae al sins jaor en daag uutgereiktj woôrt aan de winnaars van de Groeëte Rogstaekers optocht en de Wichteroptocht.

Diana vûldje zich zieër verieërtj met dieës opdracht en begós met ’n teîkening te make van ‘ne Gouwe Rog zjuust wi-j op ’t logo van de Rogstaekers stieët.In ’t ontwêrp kwoôm de Rog al baeter in bieëldj, achtergrónd mat met de contoure voller d’r op gelagdj en glânzendj. Beej ‘t materiaol hieët Diana vör messing gekoeëze umdet dit materiaol ’t mieëste liêktj op goud.
In ‘t groeët, as “wisseltrofee” vanne groeëte optocht, en in ‘t klein, as herinnering vör de groeëte Gouwe Rog vanne groeëte optocht en as Gouwe Rog vanne wichteroptocht.

Diana; Wi-j ich ‘n akkoeërd kreêg van de Rogstaekers heb ich ‘ne groeëte rog en ‘n klein rögske gemaaktj in ‘t zulver. Zulver umdet dit vör mich ‘t prettigst wêrktj. Daovan heb ich beej ’n messing-geeteri-j ‘n mal laote make en toen ‘n aantal kieër laote geête in messing. D-j kwome hongslieëlik vanne geêteri-j aaf, dus toen mos ich met de aafwerking beginne. De geêtkanale d’r aaf, alles opschoortj, de achtergrónd mat make en de dikke liêne wieër opschore en daonao polijste, en dan ‘n schoeën kétting d’raan (det waas mich ouch nog ‘n hieël gedoôns, um aan ‘n schoeën messing kétting te kaome).Umdet messing hieël gaw verkluuërdj, zeen de “Gouwe” Rogge gecoatj doeër Peter Nies zoeëdet ze ‘n beschêrmläögske kreêge um verkluuëring tieëge te gaon.

As Rogstaekers zeen vae zieër gruuëts op ’t schoeëne rizzultaot van Diana.
Óngertösse hieët de ieërste nowwe Gouwe Rog ’t lîcht gezeen beej de priêsuutreiking van de Groeëte Rogstaekersoptocht in 2016.