Boorebâl

Extra info:


Dit evenemênt gieët in ‘t sezoen
2020-2021

NEET   DOEËR!

 


Foto’s van ‘t Boorebâl 2020 kujje bekieke in ‘t


 

 

Vör völ minse és 't Boorebâl 'n evenemênt waat onlosmakelik verbônge és met de naderendje vastelaovendj:
"Zoonger boorebâl heb ich geine vastelaovendj", zégke ze dan. Ouch dit sezoen és dur weer un fieëst oppe maondjigaovendj, umdet 'ne knappe jong en 'n net maegdje vör eine aovendj e getrawdj stelke zulle zeen.

Boorebâl 2020

Naodet in de aafgeloupe daag al de getuûge, de aojers van de broêd en de aojers van de broêdegom bekindj zeen gemaaktj, woeër 't vandaag eindelik zoeë wiêt: 't vuuërstelle van de echte hoeëfdpersoeëne van 't Boorebâl. Vanwieëge 't slechte waer woeër men uutgewieëke nao de foyer van 't Munttheater. Roond de klok van hâlf acht kriêge de aanwieëzige te huuëre det Marjan van Hoef-Verstappen, dochter van Marion Biermans en Jan vanne Bakker, vör eîne aovendj de broêd zow zeen van Silvester Vleeshouwers, zoeën van Jacques van Vester van Spijk Merketrien en van Anneliet van Maan Dohmen uut Herkenbosch. Zieëne Dorstlustige Hoeëgheid Preens Tim I, in ânger jaore zelf 'ne begenadigdje huweliksvoltrekker, mocht noow same met menieër Pestoeër 't stel in de onecht verbînge. Heejnao trok 't hieële gezelschap nao De Apostel inne Bieëkstraot, woeë edereîn 't boorebroêdspaar 'n hèndje kos schödde. Nao aafloup van dieës receptie ginge de broêloftgangers en de oeëverige gaste nao verschillendje kefees um mieërdere kieëre 'ne toost uut te brînge op 't paar, det van te vuuëre wist, det de "huwelikse staot" um 12 oor 's nachts wieër aafgeloupe zow zeen.

 


En dit zeen de hoeëfdpersoeëne van 't boorebâl 2020:

2020-02-10-Boorebal_045

Dit maegtje és Ambulant begeleider beej PSW, de vastelaovendj zitj um in t blood en hultj van schaele zeîver. ’t És hieël kreatief met sieraden make en vastelaovendj creaties bedînke. Gieët gaer op verkansie nao Ibiza met ’t gezin, of heerlik ‘ne daag wînkele en d’r eîne drînke met de vrölli-j.

’t És ’n dochter van: Marion Biermans en Jan van de Bakker van Cor van Zjang van Haage Koeëb van Toeëne Wulleme-Nel.

Broêd 2020 es:

Marjan van Hoef-Verstappen

Dieëze jong hultj van alles waat met gezelligheid te make hieët, lekker uut aete, borrele en dan ’t leefst met ‘ne groeëte groep vrînde. Hae és lid van VV de Batrave, ’n klein klubke van wichter, di-j nog neet zônger de hölp van de aojers kinne. Zien wichter zeen zien groeëtste hobby en wêrk tegelieëk. Verder gieët hae nog ’s gaer Pool biljâre beej kefee ’t Îngelke en as ’t effe gieët op wîntjersport um te snowboarde. Hae verdeendj ziene boeëterham as manager wînkel operaties beej Hudson’s Bay Nederland. ’t És ‘ne zoeën van Jacques van Vester van Spijk Merketrien en van Anneliet van Maan Dohmen uut Herkenbosch.
Broêdegom 2020 és:

Silvester Vleeshouwers


2020-vader broêd

Vader es opgegrujdj oppe Beest en hieët dao tot ’t aafgeloupe jaor hieël völ tiêd doeërgebrachtj.

Zitj völ in ’t hout en of det  noow plénk zeen of kaepers, det maaktj um neet uut.

Hultj waal  van gezellig samen zeen met femilie en vrînde. Hae gieët in  ziene vreeje tiêd gaer wat inne hoeëf wêrke.

Hae és ‘ne zoeën van Jan van Mathieu van de Houthandel oppe  Beest en Peet vanne Pannekletsers uut ‘t Tegelse

De vader van de Broêd 2020 és:

Thijs Scheijmans


2020 mooder broêd

Mooder hultj waal van ’n lekker pötje koeëke, kiektj gaer nao ‘ne  spannendje film of as ontspanning gieët ze gaer tennissen.
Hieët hieël völ jaore gewêrkt oppe gemeîndje Wieërt en bemeujdje zich vuuërâl met ’t uutgaeve van vergunningen. Tieëgewoeërdig deût ze det op de Gemeindje Peel en Maas op  de aafdeîling Fieëste en Perti-jje.

Ze és ’n dochter van Neer van Wienand van Sjang vanne Meulen  en Toos van de Smeed van Tjeu de Smeed van Wullem van Geele uut de Hei-j.

De mooder van de Broêd 2020 és:

May Steen - Janssen


2020-boorebal vader broedegom

Vader és geboeëre in Nijmegen en hieët dao dan ouch gestudieërdj op de Radboud Universiteit. Op dit momênt wêrktj hae beej ’n groeët Advokaotenkantoeër op Centrum Noord.

In 1993 hieët hae 'ne groeëte stap gemaaktj nao zien huidig wêrk. 'n Groeëte hobby és haardloupe, verder hultje waal van Socializen en det deut hae 't leefst beej 'ne gooje borrel en 'n lekker hèpke.

Hae geûftj aan dette geîn beejname hieët, mer zien aojers kaome uut Nijmegen en zien groeëtaojers uut Pannerden, beej Lobith.

De vader van de Broêdegom 2020 és:

Ton Hendriks


Mooder van de Broêdegom hieët as hobbie edelsmeden, gieët ’s oppe tiêd ’n stök wândele en nao aafloûp gaer met de beînkes umhoeëg beej ’n good book. Hultj waal van ’n fieëstje mét neteurlik ’n glaeske naatigheid en és ’n echte snuiknaas.
Ze bezeuktj gaer konsérte, woeëbeej Bospop de favoriet és. És al 35 jaor lid van VV Koeëkendj Moos en wêrktj as intern begeleider en as teamleider op de Odaschoeël op Bosseve.

Ze és ’n dochter van Thieu van Driek van de Köster en Houben Greetje en van Beb van Thieu van Mieris en Drieka Tielens.

De mooder van de Broêdegom 2020 és:

Margo Janssen


2020-boorebal getuuge broedegom

De getuûge van de Broêdegom hieët as groeëte hobby Vastelaovendjlidjes schriêve en zînge. ’t Op stap gaon és ’n anger groeëte hobby van ‘m. Wieter gieët hae gaer 's 'n pötje voetballen beej Oda op Bosseve en tennissen.

Vör zien wêrk és hae edere daag te vînge in ‘ne groeëte wînkel vôl met ieëzer en geraedschap inne Bieëkstraot.

’t És ‘ne zoeën van Paul vanne Gruijt en van Roos van Meîster Stribos.

Getuûge van de Broêdegom 2020 és:

Mark Gruijthuijsen


2020-boorebal getuuge broed

Gieët nog ’s gaer reîze en as ’t kân leefst zoeë wieët muuëgelik wég. Gieët gaer uut aete en borrele met vrînde en vrîndinne, sporte és dan wieër ’n anger hobby.      Wêrke deût ze beej de beste voetbalclub van ’t zuiden, beej PSV, dao begelèdj ze ‘n clubke minse met ‘n licht verstandelikke bepêrking beej ‘t wêrk waat ze vör PSV doon. Ze és ’n dochter van Ton van Gon van d’n Îngel en Thieu Tieëuwe en van Tilly van Harry van de Keuning van Laor en Annie van Vêrkes Teis.

Getuuge van de Broêd 2020 és:

Ellen Teeuwen

Kiektj ouch us beej:

20 februari 2020

Heej ‘n oeëverzichtje van waat uch de kaomendje vastelaovendj te wachte stieët. ‘t Waat, woeë en wannieër van Veer Daag Vastelaovendj in ‘ne noeëtedop. Mét de muuëgelikheid um doeër te klikke. Zaoterdig 22-02-2020 19:00 oor…

Vastelaovendj in ‘ne Noeëtedop

Lees meer

20 februari 2020

Op zoondig 23 fibberwarie trektj vanaaf 13:30 oor de Groeëte Rogstaekersoptocht oeëver de Wieërter singels. De doêzendje kiekers naeve de kânt zeen ouch noow wieër verzieëkerdj van ‘n kluuërriêk spektakel mét prachtige creaties en völ…

Alles oeëver de Groeëte Rogstaekersoptocht: AAFGELASJ!

Lees meer

10 februari 2020

  Naodet in de aafgeloupe daag al de getuûge, de aojers van de broêd en de aojers van de broêdegom bekindj zeen gemaaktj, woeër ‘t vandaag eindelik zoeë wiêt: ‘t vuuërstelle van de echte hoeëfdpersoeëne…

Silvester en Marjan: Broêdspaar 2020

Lees meer
Mieër noets