Wichterfieëstmiddig

Wannieër:Op zaoterdig 8 fibberwarie 2020
Wi-j laat:Vanaaf 13:30 oor
Woeë ésj te doon:Kefee De Brouwer, Oelemêrrentj
Waat kosj 't:Gae mogtj vör niks nao binne!
Extra info:
V.V. de Rogstaekers maaktj tiêdus dieës aktiviteit muuëgelik foto’s en/of video-opnamen vör publicatiedoelîndje.
Raodpleeg oeës privacyverklaoring, as dejje dao bezwaor tieëge wiltj make.

Op zaoterdig 8 fibberwarie és kefee De Brouwer ’t fieëstpeliês woeëdét vanaaf 13:30 oor de Wichterfieëstmiddig wieër losbarsj. De wichter van Wieërt kriêge heej ruumschoeëts de gelaegenheid um zich oonger te doompele inne Wieérter Wichter Vastelaovendj.

Onger aanwieëzigheid van de Rogstaekers Jeugdpreens, zien adjudânte, ziene Jeugdraod en de Jeugdvorst zörgtj d’n disjockey d’r vör, dét 't éin groeët fieëst wurtj. Wildje unne kieër dânse mét de Huppelpupkes, griêptj dan eur kâns, want de maegdjes zeen neteurlik ouch dao um te dânse, hosse en te spreenge.
Van âl dét gedâns en gespreeng kriegdje neteurlik ontiêgelikke dorst, daorum és d’r genogt limmenaat en sjips.

Vör pap, mam, oma en opa, oeëms en tântes és d’r inne buurt vanne bar ouch nog plaats vreej gehaoje um de wichter, met ’n schuun oug, inne gate te haoje, mér vuuëral um ouch zelf te geneete van ‘ne echte Vastelaovendjmiddig.
En as dét nog neet genóg és: tiêdus dieëze Wichterfieëstmiddig kuj-je ouch nog unne snuîkbuul verwachte.


Heej al twieë foto's van dit schoeën wichterfieëst. Völ mieër foto's staon inne album.

180127-Wichterfieest_137
180127-Wichterfieest_098

Kiektj ouch us beej:

27 februari 2020

Vastelaovendj 2020 és d’r eine dae hieël wat minse nog lang zal huuëge. Organisatorisch hieët dit sezoen nogal wat extra wêrk mét zich mejgebrachtj. Zoeë moste nao ‘t wègkvalle van de vorst de noeëdige take…

‘t Woeëre drej daag um neet gaw mieër te vergaete..

Lees meer

25 februari 2020

Naodet op zoondig de groeëte optocht neet doeër kós gaon vanwieëge ‘t slechte waer, waas ‘t oppe maondjig gelökkig wat baeter roond de tiêd det de wichteroptocht mós gaon trekke. En det woeër te mêrke….

Wichteroptocht 2020: de priêze!

Lees meer

20 februari 2020

Dit jaor és vör de ieërste kieër de wedstriêd “De Schoeënste Etelaasj!” gehaoje, ‘n samewêrking tösse VV de Rogstaekers, BIZ-O en Centrummanagement Weert um de straote in de aanluip nao de Vastelaovendj een gezelliger aanblik…

UPDATE De Schoeënste Etelaasj: En de winnaars zeen…

Lees meer
Mieër noets