Wichterfieëstmiddig

11 FIBBERWARIE
13:00
Poort van Limburg, Werthaboulevard 1, Wieërt

 
 
 
 

De Wichterfieëstmiddig begintj oeëver:

Op zaoterdig 11 fibberwarie 2023 és de Poort van Limburg ’t fieëstpeliês woeëdét vanaaf 13:00 oor de Wichterfieëstmiddig wieër losbarsj. De wichter van Wieërt kriêge heej ruumschoeëts de gelaegenheid um zich onger te doompele inne Wieérter Wichter Vastelaovendj.

In aanwieëzigheid van de Rogstaekers Jeugdpreens, zien adjudânte, ziene Jeugdraod en de Jeugdvorst zörgtj de meziek d’r vör, dét 't éin groeët fieëst wurtj. Wildje unne kieër dânse mét de Huppelpupkes, griêptj dan eur kâns, want de maegdjes zeen neteurlik ouch dao um te dânse, hosse en te spreenge.
Van âl dét gedâns en gespreeng kriegdje neteurlik ontiêgelikke dorst, daorum és d’r genogt limmenaat en sjips.

Vör pap, mam, oma en opa, oeëms en tântes és d’r inne buurt vanne bar ouch nog plaats vreej gehaoje um de wichter, met ’n schuun oug, inne gate te haoje, mér vuuëral um ouch zelf te geneete van ‘ne echte Vastelaovendjmiddig.
En as dét nog neet genóg és: tiêdes dieëze Wichterfieëstmiddig kuj-je ouch nog unne snuîkbuul verwachte.