Zoek
Sluit dit zoekvak.
Zoek
Sluit dit zoekvak.

Fieëst van NIX18

20 FIBBERWARIE
19:30 - 23:30
Poort van Limburg, Werthaboulevard 1, Wieërt
 

't Fieëst van NIX18 begintj oeëver:

Vastelaovendjmaondjig stieët in Wieërt traditiegetraw in ’t teîken van de wichter en de jeugd.
Op maondjig 20 fibberwarie in de middigoore hieët de jeugd inne Poort van Limburg al lekker kunne fieëste beej de hosmiddig, woeëbeej ouch de priêsuutreiking van de Wichteroptocht waas.

Saoves zal de Poort van Limburg vör de léste kieër dieëze vastelaovendj oeëpe zeen vör e vastelaovendjaktiviteit.

Beej ’t FIEËST VAN NIX18 moôg ’t daak d’r dus aaf!
Dikke meziek en schaele zeiver; ouch de jeugd van 12 t/m 17 jaor zâl dieëze aovendj de vastelaovendj hieëlemaol zelf kluuër gaeve en belaeve!

Vanaaf 19:30 oor zâl ‘ne DJ de zaak hieëlemaol oppe kop zétte en ’n speciaal verrassingsact maaktj ’t fieëst complieët.
D’r zâl dae aovendj geine dröppel alcohol geschónke waere, ouch neet vör de tówzichthaojers en ‘t barpersonieël. Um 23:30 oor gaon de lâmpe aan en ésj tiêd um op hoês aan te gaon.

En wejje, waat ouch zoeë schoeën és aan dit Fieëst van Nix: de entree és ouch hieëlemaol vör NIX!

(P.S. Mogdje van te vuuëre al 'n kaartje gekochtj hebbe: geîne noeëd. Leêvertj 't in en gae kriegtj neet 1, mer 2 consumptiemûnte! )