Vastelaovendjdieënsdig um 'n oor of zieëve saoves. Ge wètj det 't gieët gebuuëre, mer de traone bliêve neet uut. 't Indj van 'n GEWELDJIG sezoen met twieë preense um van te haoje. Niks mieër hoogheid, ze heite vanaaf noow weer gewoeën Paul en Kai van Gansewinkel.
118 Foto's
Oppe dieënsdiggemiddig trokke de Hermeniekes on Tour nao 'n gezamelike repetitie beej de Tram doeër de Maasstraot richting Mêrrentj. Dao koeëme ze beej de splitsing met de Langstraot de stoet tieëge van de Kiêtellappers, di-j met völ leweît d'n duûvel prebieërdje te verjage. Same maakdje ze d'r 'n muzikale happening van beej 't aod stadhoês.
77 Foto's
Op dieënsdig wurtj d'r aan 't begîn vanne daag alvast aafscheid genoeëme van de lede van de Jeugdraod, di-j eur termien van twieë jaor d'rop hebbe zitte en van alle adjedânte. De Fossers noeëme inne tössetiêd aafscheid van Wil Berben, dae nao 13 jaor zien take as sikretaris van de optochtkemissie hieët nieërgelagdj.
39 Foto's
Vör de jeugd tösse 12 en 18 waas d'r oppe maondjigaovendj nog 'n Fieëst van Nix in de Poort van Limburg. D'r waerdje geine dröp alcohol geschônke, mer det haaje de aanwieëzige ouch hieël neet noeëdig um zich toch te ammesieëre. DJ Admin spuuëldje daobeej 'n belangriêke rol.
28 Foto's
En beej 'ne Wichteroptocht huuëre neteurlik ouch priêze, zoeë wi-j né Broonze Bakfiets en 'ne Zulvere Knoeëk. Di-j waerdje nao aafloop van de optocht uutgereiktj in 'n drökke Poort van Limburg.
48 Foto's
De maondjig és vör de wichter dé daag vanne Vastelaovendj. Eure eige optocht en det zulle de minse naeve kânt ouch wiête ouch. Volop kluuër, lôl en enthousiasme spatj van de gezichte van de wichter aaf. 'n Spektakel woeë de tówschouwers alleîn mer van kunne geneête.
105 Foto's
De uutreiking van de priêze waas 't sloêtstök van 'n periode, woeë-in völ optochtdaelnemers hieël völ meute hebbe gedaon um van eur creatie wat schoeëns te make. Det rissultieërdje in 'ne uutslaag, woeë edereîn vrede mej kós hebbe: de Hei-j Up Priês vör de Kernalies, de Knauwelprieës vör de Straotverkus en de Gouwe Rog vör Bawclub Wieërters Echte
81 Foto's
Vuuërdet de eigelike priêsuutreiking van de Groeëte Optocht begós, waas d'r ieërst nog 'n optraeje van Nout en Phil, di-j vör dieës gelegenheid ouch de groeëte manne van Moerepetazie 1.0 haaje uurtgenuuëdj.
42 Foto's
Nao 'ne storm in 2020 en twieë gaw te vergaete jaore kós d'r eindelik weer 'ne optocht oeëver de singels van Wieërt trekke. Neet zoeë lânk wi-j ângers, mer zieëker neet te minste. En de Bawclub Wieërters Echte zörgdje d'rvör, det 't vastelaovendjsezoen vör Preens Paul I hieëlemaol complieët waas: 'ne verdeendje Gouwe Rog!
171 Foto's
't Waas zaoterdig volle bak beej de Poort van Limburg beej 't Preensebâl. Neet alleîn ZDH Preens Paul I genoeët volop, meer ouch de hongerte vastelaovendjgekke vanne meziek van La Bamba, Plat Wieërs en Joerik & Harrie Zelluf
114 Foto's
Aan 't begîn van di-j drej gekke daag bringtj 't hieël Rogstaekersgezelschap 'n bezeuk aan de St. Martinuskêrk, woeë daeke Franken 'n més opdraagtj. 'n Koeër o.l.v. Mark Fonteijn en Kepél Um te Bäöke verlieëne muzikale mejwêrking.
100 Foto's
Zaoterdig 18 fibberwarie vong de sluuëteloeëverdracht plaats in 't stadhoês van Wieërt. 't Voltallige college van B&W haaj zich vör de gelaegenheid in de adelstând verhieëve, zoeëdet op 't indj nog duuëdeliker waas, det de macht noow aan 't vôlk waas. Daonao woeërt as bewiês heejvan de Rog opgehânge boeëve 't bordes van 't aod stadhoês oppe Mêrrentj.
165 Foto's
Kâl en knouwel van Charlie Wijen en Frènske Adriaens, meziek van Stefan Wolter en Mark & Willemien, dâns van de Huppelpupkes en polonaises: 't waas d'r allemaol tiêdes de Seniorematinee. Mer ouch as hoeëgtepûnt: Moerepetazie 2.0
60 Foto's
Op zaoterdig 11 fibberwarie woeërt vör de ieërste kieër 'n optochtbâl gahaoje. Neet alleîn vör de daelnemers, mer ouch vör de kiekers. En 't waas de meute waerd. De Straotverkus haaje 'ne gezellig programma opgesteldj, woeëbeej leuke priêze gewonne kóste waere vör de daelnemers aan de optocht. Ouch vör de ânger belangstellende waas d'r genog te belaeve met meziek van ónger mieër Ton Wolter, John Tana en DJ Admin.
153 Foto's
In de tot Peliês van de Rog umgeduipdje Poort van Limburg kós de jeugd zaoterdig 11 fibberwarie 2023 zien energie kwiêt. D'r waerdje polonaise geloupe, gedânsj en gesprônge, en ouch wi-j det zoeë hueërtj volop gekaaktj tiêdes de jaorlikse wichterfieëstmiddig
71 Foto's
Maondjig 6 fibberwarie 2023 waas d'r nao 3 jaor eindelik weer 's 'n Boorbebâl in de Wieërter binnestad. In dieës uutgebrèdje reportage van Johan Horst zeeje de vuuërbereidinge van 't broêdspaar en hun ieërste ontmoeting; 't samezeen van aojers, getuûge en aanhang beej 't aete; de stoet met 't hieële gezelschap; de bekindjmaking op 't bordes van 't museum; de broêloft beej de Brouwer met alle gaste.
162 Foto's
Stadpreens Paul I waas van de perti-j, toen de Optochtkemissie op zaoterdig 4 fibberwarie 'n bezeuk bracht aan diverse wagebawwers
16 Foto's
Op 22 en 28 jannewarie kóste völ uutgelaote wichter geneête van de Boonte Femiêliemiddige. Dieëze BFM met "Boonte Kluuëre" woeërt met völ verve en gooj zin oppe plânke gezatte doeër 'n enthousiaste spuuëlersgroep.
76 Foto's
Van 20 t/m 28 jannewarie waare de Bonte Aovendje in 't Munttheater onger 't motto: 't Mot geine musical waere. De artieste haaje d'r zin in en hun enthousiasme sloeëg oeëver op 't publiek, waat volop genoeët van de muziek en de sketches met 'ne houp knouwel.
96 Foto's
Tiêdes de Boonte Aovendj van 26 jannewarie 2023 waerdje de Orde van 't Kammeräödje uutgereiktj aan Gerdy Janssen-Hartholt. Nao 't officiële gedaeldje op de bühne kriêg Gerdy de noeëdige fillicitaties van vuuërige Kammeräödjes, femiêlie, vrinde en van de Rogstaekersvereîniging.
30 Foto's
Tiêdes de veerdje Boonte Aovendj op maondjig 23 jannewarie 2023 zeen Rosan Camp, Theo Houben en Emiel van Riet gedecorieërdj doeër de SLV. De hieëre krieëge de Orde van Verdienste en Rosan Camp de Zilveren Buut
20 Foto's
Naodet zoondig 22 jannewarie ouch de Jeugdpreens bekindj waas gemaaktj, hieët Johan Horst 't hieële Preenselik Gezelschap op de geveûlige (digitale) plaat gezatte. Op foto 10 zeeje vlnr Karin, Edwin, Déon, Kiki, Ester, Thijn, Roy, Paul I, Lauri, Kai I, Eefje, Tom. Wieter nog foto's met o.a. de Jeugdraod en de Huppelpupkes.
26 Foto's
Tiêdes de 3e Boonte Aovendj op zoondig 22 jannewarie steldje Preens Paul I zien adjudânte vuuër aan 't publiek. Ester Houben-van Gansewinkel, Tom van der Ouderaa en Edwin Lormans krieëge van eure Preens 'n óngerschei-jing en 'n staek uutgereiktj. De orde waas d'r ouch vör de oeëverige persoeëne uut 't preenselik gevolg. Wieter waas d'r nog 'n tówspraak van de beide Hoeëghede.
19 Foto's
Op zoondig 22 jannewarie woeërt Kai van Gansewinkel, zoeën van Preens Paul I, uutgeroope tot Jeugdpreens Kai I
41 Foto's
Nao aafloup van de Gala Boonte Aovendj vóng de uutrooping van Rogstaekerspreens Paul I plaats.
52 Foto's
Vuuëraafgaondj aan de Gala Boonte Aovendj waere de gaste wi-j altiêd ontvânge door de Vorst en de Kanseleer, kriêge ze 'n glaeske bubbels aangeboeëje en kunne ze, asze det wille, oppe foto.
96 Foto's
Nao de uutrooping en de installatie van Vorst Jasper begós inne Poort van Limburg de Sezoeënsoeëpening, di-j vör de gelegenheid waas umgeduiptj tot Aovendj vanne Nowwe Vorst. (foto's: Jan Lormans)
186 Foto's
Ouch fotograaf Johan Horst waas aanwieëzig beej de installatie van Vorst Jsaper. Zien impressie kujje heej bekieke
116 Foto's
Op zaoterdig 12 november 2022 vóng de uutrooping plaats van Vorst Jasper. Det gebuuërdje bij 't Kestieël aane Beest. Dieës foto's zeen van Dion Huiberts.
133 Foto's
