Op zaoterdig 12 november 2022 zal um 19:11 oor de Wieërter vastelaovendj weer ontwake en ’t Vastelaovendjveur waere óntstoeëke. Stadsvastelaovendjvereîniging de Rogstaekers gieët det huuëgelik en historisch memênt veere mét de uutrooping vanne nowwe Vorst.
Vreuger hoeszje de hieërsers oeëver Wieërt en umstreke oppe Beest aanne rând vanne Kestieëlsgraaf en dao zal ouch de 6e Vorst van Wieërt waere geprizzentieërdj en geïnstallieërdj.
Vae nuuëje uch allemaol uut om via dees pagina mej te kieke beej dit vastelaovendjspektakel, det um 19:11 oor presies begintj beej ’t kestieël oppe Beest.
