Optochtbâl (ouch vör kiekers!)

Eder jaor zörge hieël völ optochtdeîlnemers d'r vör det doêzendje minse kunne geneête van 't hoeëgtepûnt vanne vastelaovendj: de groeëte Rogstaekersoptocht! Groeëte en klein wages, groeëte en klein groepe, einlinge en duo’s, trio’s, hermeni-jje en kepélle make d’r edere kieër wieër e waor spektakel van!
De vuuërbereidinge beginne dék al maondje van tevuuëre. Same bawwe, same oplossinge bedînke, zaege en plekke. Same pékskes make en acts bedînke. Ouch dét és same vastelaovendj belaeve!

Neteurlik moge de kiekers nao de optocht ouch beej dit optochtbâl aanwieëzig zeen: wi-j miëer zeele, wi-j mieër plezeer!