Priêsuutreiking Rogstaekersoptocht

Nao aafloup vanne optocht hebbe de deîlnemers en 't pebliek neteurlik nog effe de tiêd um wat te gaon drînke en 'n hepke te aete.

In de telkamer van de optochtkemissie és dao op det memênt geine tiêd vör. Dao motte alle juryliêste waere verzameldj en per categorie waere dan de pûnte vanne dêilnemers opgeteldj. Uuteindelik kan dan de stând waere opgemaaktj en és dao al bekindj weem d'r inne priêze veltj.

Det beteîkentj wul, dat vör ederîn nog een uutslaagkaart mot waere aangemaaktj met dao op 't aantal pûnte en (ouch neet onbelangriêk) 't gewonne gêldjbedraag. De verzamelliêste waere gesortieërdj op categorie en pûnte, zoeëdet beej de priêsuutreiking alles op volgorde klaor ligktj.

En dan kân de uutreiking beginne.

Um 20:00 oor stroumtj de Mêrrentjvbeej de kêrk vôl met deîlnemers en ânger belangstellendje.

D'r wurtj wat gedrônke, artieste brînge de stumming d'r good in, mer wi-j later det 't wurtj, wi-j mieër de zieënewe gaon opspuuële.

De spanning wurtj royaal opgebawdj en d'r veltj nog mer 's 'ne "3x Wieërt Alaaf" op al di-j optochtdeîlnemers.

Tot det 't memênt dao és en bekindj wurtj gemaaktj weem toch dae Gouwe Rog hieët gewonne. En dan gieët de tênt hieëlemaol uut zien daak.

fieëst, Fieëst, FIEËST!!!