Vuuër aanvang vanne Boonte Aovendj van donderdig 23 jannewarie 2014 és doeër Vorst Jan de "Orde van 't Kammeräödje" uutgereiktj aan Rosan Camp.
Rosan es al vanaaf de jaore '80 betrokke beej de Wieërter Rogstaekers vastelaovendj, as klein maegtje kwoom 't in aanraking met de Boonte Wichtermiddig, as artiest en kértrekster hieët 't verschillendje kleîn en groeëte rolle gespuuëldj.
De orde van 't "Kammeräödje" wurtj slechts eine kieër per jaor uutgereiktj en zal ten deil valle aan 'ne persoeën of groep di-j zich op de achtergroond op 'n bezûndjer meneer inzette vör de Rogstaekers en de Wieërter Vastelaovendj. Dit alles same maaktj 't, dét Rosan Camp mét recht 'n "Kammeräödje" van de Wieërter Rogstaekersvastelaovendj geneumdj moog waere.

Mieër foto's inne fotoalbum: Kammeräödje vör Rosan Camp