Twelf maegtjes, di-j ‘n houp vreeje tiêd vôl make mét oefene, zoeëdet wannieër ze oppe bühne staon, ‘t plezeer van ‘t dânse d’r vanaaf spettertj. Hun optraejes zeen mer kort, mer ‘t applaus, waat dieës Huppelpupkes verdeene, mog röstig langer deure.

Vae gaon stilaan oppe Abdicatie aaf en det beteîkentj nog eîne kieër: GAAS D’R OP! En mét weem kan det baeter as mét de kuuëningin van de vastelaovendjlidjes: Beppie Kraft. Veultj uch nog eîne kieër ‘In d’n Hiemel‘ vuuër det oeës
preense mét hölp vanne brandweer dae kânt op gaon.

Moerepetazie (Robbie, Paul, Lex & Phil) begôs in 2012 op Bosseve en nao maondje van vuuërbereiding kwaom in jannewarie 2013 ut ieêrste nummer ‘Komplieët van slaag’ uut. As klap oppe veurpieël waerdje oppe zellûfdje aovendj Robbie uutgeroôpe tot Preens van De Brökwagters op Bosseve, unne tieêd um noeëts te vergaete! ‘t És zoeë wi-j zoeë ‘n gezelschap mét völ blaw blood, want in 2018 woeërt Phil zelfs Preens vanne Rogstaekers. In hieël Limburg kojje de camper van de band tieëge en woeë dejje dae zeetj staon ésj altiêd fieëst en gaoje d’r same eîne dreenke.

Al jaore ‘n vertrawdj gezicht op ‘t LVK, ieërst as trio, mer vanaaf 2010 bestaon De Geliënde uut Maurice Pluijmakers en Roger Vliegen. Bekans alle finales hebbe ze sinds 2001 mejgemaakt, mer hieël dèk woeërte ze de Zoetemelk en Poulidor vna ‘t LVK. Tot 2017, toen ze eindelik de smaak van de oeëverwinning koste preuve met ‘t lidje Code road-gael-greun.

Verrèkkes dék de twieëdje plaats, mer ouch al hieël wat kieëre de ieërste priês beej ‘t Midde-Limburgs Lidjes Festival: al ruum 15 jaor zeen de Men In Pek neet mieër wég te deenke in de Vastelaoevendjlidjeswêrreldj. En mét al di-j aod-Preense van de Zoatmaale in eur geledere altiêd strak in ‘t pak! En of dejje noow carnaval of vastelaovendj veertj: as dejje ‘t mer dootj! Carnalaovendj dus!

Al de hieële middig zeen de “Hermeniekes on Tour” en brînge al blaozendj en hawwendj op di-j trom de sfeer in de binnestad en in de kefees. Noow kaome ze beej-ein um same ‘n hâlf eurke nog ‘s alles uut de kast te hale en uch te ammesieëre. Tatada, tatadadaaaaa!

Twelf maegtjes, di-j ‘n houp vreeje tiêd vôl make mét oefene, zoeëdet wannieër ze oppe bühne staon, ‘t plezeer van ‘t dânse d’r vanaaf spettertj. Hun optraejes zeen mer viêf minute lângk, mer ‘t applaus, waat dieës Huppelpupkes verdeene, mog röstig langer deure.

Zoeë, de priêswinnaars zeen bekindj, dus det beteîkentj det de snuikbuûl en ‘ne zak chips kinne waere aangesproeëke, det d’r kân waere gehosj en det d’r ‘n glaeske limmenaat wul ingieët, as dejje ‘t d’r wêrm van hètj gekriêge. The Deejays zörge vör de meziek.

Muzikaal intermezzo: mét Mark & Wilhelmien, twieë rasartieste van eige boeëm, di-j neet mieër zeen weg te deenke in ‘t vastelaovendj-wêrreldtje, kojje vanzelf in de Vastelaovendj Bubbel.

De naam van Marleen Rutten kojje je op völ affiche tieëge, neet alleîn in Limburg, mer ouch ver dao boete. En det hieët völ te make met ‘t enthousiasme, woeëmej dieës zangeres uut Hunsel eur optraejes deut. De lôl, di-j ‘t daobeej hieët, slutj vanzelf oeëver op ‘t publiek. ‘t Zieët neet vör niks: “Ich kin ut neet allein“.

Van Eijsde tot de Moeëkerhe-j…
Jao, dao kojje Bjorn en Mieke tieëgeswoeërdig tieëge. Dit duo és êrg succesriêk op ‘t LVK mét nummers as ‘1000
Sterre’ en ‘Droeëme mit de oeëge oop’ en ouch in 2019 woeërt d’r wieër ‘n knallendje hit gescoordj mét ‘Nog efkes’.
De twieë strale uut, waat ze ouch hebbe: Plezeer!

Völ plezeer!

Naodet de jury de towgekindje pûnte allemaol hieët opgeteldj, kinne de priêze bekindj waere gemaaktj.

Weem wintj dit jaor de Broonze Bakfiets (vör ‘t schoeënste kèrke), de Zûlvere Knoêk (vör de schoeënste groep)?

En weem kriegtj de priês vör de schoeënste (zelfgemaakdje) kop: de Kleine

GOUWE ROG!

Met ‘t doeër Dwayne Horbag van Springlaevendj geschriêve lidje ‘Allein mer karnevâl’ wist Wieërter maegtje Noa Veltrop doeër te drînge tot de finale van ‘t Kinjer Vastelaovend Leedjesfestival van dit jaor. Trio De Leste Drej won dit jaor oeëvertuuëgendj ‘t Wieërter Vastelaovendj Lidjes Festival (WVLF) mét ‘t nummer ‘Waat és dit sjiek’. Gae gaotj ze allebej huuëre in dit Wieërter keteerke.

The Deejays Drive-In Shows verzörge allerli-j soeërte fieëste, van verjaordaagsfieëstjes tot uutgebrejdje bedriêfsfieëste. En neteurlik zeen ze ouch te vînge op Oktoeëberfieëste en beej Veer Daag Fieëst oppe Mêrrentj. Ze zeen neet alleîn stiêpel van de Rogstaekers, nein, ze zörge d’r alle daag vör det d’r gein stil momênte valle.

In geboeërtestad Wieërt és Stefan Wolter al lang geine onbekindje mieër. ’t Jaor 2019 woeër ’n succesvol sezoen vör Stefan. Met ’t lidje Dit es zoeë schoeën wist hae neet alleîn doeër te drînge tot de hâlve finale van ’t LVK, mer ouch twieëdje te waere beej ‘t Midde Limburgs Leedjes Festival. En as körs oppe taart ging hae mét de winst nao hoês in de categori-j “Originele Liedjes” van het CMC Alaif in 2019.

Nao aafloop vanne Wichteroptocht kin edereîn lekker gaon hosse oppe meziek van The Deejays, Det allemaol in aafwachting vanne bekindjmaking van de priêze

The Deejays Drive-In Shows zörge d’r vör det de winnaars en alle oeëverige deîlnemers vanne Groeëte Rogstaekersoptocht nog effe uut heur daak kunne gaon, same mét al di-j ânger minse, di-j de Wieërter Vastelaovendj ‘n wêrm hert towdrage,

De spanning stiêgtj en stiêgtj en wurtj haost ondraachelik.

Weem gieët d’r vandoeër met dae felbegieërdje

Knouwelpriês

en weem, jao weem, vergaartj de ieëwige roem doeër ‘t winne van det schoeën stökske edelmetaal:

de GOUWE ROG?

Moerepetazie (Robbie, Paul, Lex & Phil) begôs in 2012 op Bosseve en nao maondje van vuuërbereiding kwaom in jannewarie 2013 ut ieêrste nummer ‘Komplieët van slaag’ uut. As klap oppe veurpieël waerdje oppe zellûfdje aovendj Robbie uutgeroôpe tot Preens van De Brökwagters op Bosseve, unne tieêd um noeëts te vergaete! ‘t És zoeë wi-j zoeë ‘n gezelschap mét völ blaw blood, want in 2018 woeërt Phil zelfs Preens vanne Rogstaekers. In hieël Limburg kojje de camper van de band tieëge en woeë dejje dae zeetj staon ésj altiêd fieëst en gaoje d’r same eîne dreenke.

In gedeîldjes waere de priêze vanne de Groeëte Optocht bekindj gemaaktj. Langzaam wurtj de spanning opgebawdj mét in ‘t létste blok neteurlik de winnaars van de Knouwelpriês en de Gouwe Rog.

In gedeîldjes waere de priêze vanne de Groeëte Optocht bekindj gemaaktj. Langzaam wurtj de spanning opgebawdj mét in ‘t létste blok neteurlik de winnaars van de Knouwelpriês en de Gouwe Rog.

Guido Frissen és jaore dé frontzanger gewaesj van de oeëverâl in Limburg bekindje band De Schintaler en hae és same mét Martin (ouch uut dieës band) actief gewaesj as ’t duo Martin & Guido. Nummers as Greumelevlaai en Limburgse Meid roope nog völ herinneringe op. Sinds kort és Guido oppe solotour, mer zien aafkomst blieftje traw.

Muzikaal intermezzo: mét Mark & Wilhelmien, twieë rasartieste van eige boeëm, di-j neet mieër zeen weg te deenke in ‘t vastelaovendj-wêrreldtje, kojje vanzelf in de Vastelaovendj Bubbel.

In gedeîldjes waere de priêze vanne de Groeëte Optocht bekindj gemaaktj. Langzaam wurtj de spanning opgebawdj mét in ‘t létste blok neteurlik de winnaars van de Knouwelpriês en de Gouwe Rog.

In dit Wieërter Hâlf Eurke kujje je optraejes verwachte van Rick Weegels en De Léste Drej en ouch Mark Gruijthuijsen keumtj uch oppe plènk bli-j make met 60.000 maeter.

Anthemhêldj Kyle Schielen en zanger-entertainer Ronald Pijls zörge vör ‘n echt fieëst. In hoeëg tempo kaome bekindje Duitse lidjes as Einen Stern, Hulapalu, Sierra Madre en Hey Rosie Polka vörbeej. En ouch bekindje Top40 hits kriêge eur eige Party Kryner Polka Saus: 100% stumming gegarandieërdj.

Christel van Rijn en Quinn Warmerdam uut Venlo zeen al hieël lang bekindj in Limburg. Same mét Hay Wilders vormdje ze 15 jaor ’t succesvolle trio W-Dreej, det drej kieër op ri-j ’t LVK hieët gewonne en ze hebbe dan ouch ’n iêzerstêrk vastelaovendj repertoire opgebawdj. Nummers as Höf de glazer in de lóch en Vandaag waere in de hieël provincie van noeërd tot zuid volop mèjgezônge

Dit zangtrio uut Grubbevorst és neet mieër wègk te deenke uut de Limburgse Vastelaovendjwèrreldj. In 2003 stonge de mèn vör ’t ieërst inne finale van ’t LVK en al dre-j kieër hebbe ze dit konkoer gewonne. Weem kintj ’t nummer Heej blief ich plekke neet, waat uch in eure kop blieftj zitte? Fieëst van begîn tot îndj.

’t Duo Andy (Croonenberg) & Roy (Willems) stóng in de finale van ’t LVK 2019 en mét ’t nummer ‘Plek de wiezers vas’ zeen ze êrg populair gewoeëre Dit twieëtal uut Valkenbêrg hieët ’n breîd eige en zieër herkinbaar repertoire en hieët ’n vaste plek verwôrve binne de Limburgse artiestewêrreldj.

Ed & Frans: waat veltj dao nog oeëver te vertelle, waat dejje nog neet wètj? Twieë Wieërter joonges, di-j geboeëre zeen met 110% humor in eur genen. De zeîver en de knouwel és beej hun zieëker zoeë belangriêk as de meziek, mer eîn dînk és nog zieëkerder: kwaliteit. Dus al duuërtj ‘t mer ‘n keteerke, zörgtj dejje d’r beej zeetj, want “op dae Mêrrentj, woeë alle minse same zeen, dao és ‘t fieëst!”

In geboeërtestad Wieërt és Stefan Wolter al lang geine onbekindje mieër. ’t Jaor 2019 woeër ’n succesvol sezoen vör Stefan. Met ’t lidje Dit es zoeë schoeën wist hae neet alleîn doeër te drînge tot de hâlve finale van ’t LVK, mer ouch twieëdje te waere beej ‘t Midde Limburgs Leedjes Festival. En as körs oppe taart ging hae mét de winst nao hoês in de categori-j “Originele Liedjes” van het CMC Alaif in 2019.

Dieëze Limburgse zânger keumtj uut Grubbevorst, ouch waal ‘t Volendam van Limburg geneumdj.
Björn wètj d’r altiêd e fieëst van te make. Doeër zien enthousiasme raaktj hae altiêd wieër de zjuuste snaor. Mét zien opgebawdje repertoire van eige nummers, mer mouch doeër zien Nederlands- en Duitstalige covers, és hae ‘ne gaer gezeene gast.

The Deejays Drive-In Shows verzörge allerli-j soeërte fieëste, van verjaordaagsfieëstjes tot uutgebrejdje bedriêfsfieëste. En neteurlik zeen ze ouch te vînge op Oktoeëberfieëste en beej Veer Daag Fieëst oppe Mêrrentj. Ze zeen neet alleîn stiêpel van de Rogstaekers, nein, ze zörge d’r alle daag vör det d’r gein stil momênte valle.

Mark Bouwmans bracht in 1990 Tjeu Snoek vanne stedelijke hermeni-j Sint Antonius in
contact met de popgroep Fun. Heej met waas de basis gelagdj van Plat Wieërs.
Vanaaf 1991 woor ut Wiepkesbal inne Poort van Limburg un feit det vanaaf 1992 steeds uutverkochtj waas: mét meziek van Plat Wieërs!

Mét dieës band uut de regio és ‘t fieëste geblaoze van begîn tot d’índj.

De Vastelaovendjdaag waere op ’n passendje meneer ingezaengeldj tiêdus de Vastelaovendjmés in de dekenale St. Martinuskêrk.
De més wurtj vuuërgegânge doeër de zieër ieërwaarde hieër daeke Franken. De més wurtj, m.u.v. ’t gesproeëke woeërd van oeëze daeke, in ’t dialect uutgeveurdj. De meziek wurtj verzörgdj doeër Mark & Wilhelmien en koeër.