Stadsvastelaovendjvereîniging de Rogstaekers hieët Jos Keersmaekers beneumdj tot Kammeräödje 2020. Op zaoterdag 23 november kriêg hae uut hang van Vorst Stan en Kanseleer Jasper de beejbehuuërendje oorkonde uutgereiktj in het Huis van Nicolaas, woeë hae ouch actief és as vreejwilliger. De draagmedalie ontvingtj hae tiêdus de Boonte Aovendj op donderdig 30 jannewarie in 't Munttheater.
Jos Keersmaekers és al sinds jaor en daag 'n stille kracht achter de schêrme. Beej evenemênte kân altiêd 'n beroop op hem waere gedaon as 't gieët um kaartcontrole en mûnteverkoup. Zo hieët hae zich oonger ângere ingezatte vör 't Rogstaekerspaviljoen, de Gulden Humor, het Fieëst oppe Mêrrentj en de concerte van Harry en de Gebroeëke Zwiêgelkes.
Sinds 1993 reike De Rogstaekers de Orde van ’t Kammeräödje uut. Dieës bezûndjer oongerscheiding, di-j huuëgstes eîne kieër per jaor wurtj towgekindj, és in het laeve gerope as bliêk van waardieëring vör minse di-j zich al jaore (en dèk oppe achtergroond) verdeenstelik hebbe gemaaktj vör de Wieërter vastelaovendj en de Rogstaekers in 't bezûndjer.
