30 december 2016
Op donderdig 19 jannewari zölle vae mr. Ton Hendriks opneme as ‘Kammeräödje’.
Ton, neet as Rogstaekers geboeëre mer ’t waal gewoeëre, és as advocaot al sinds jaor en daag oeëze raodsmân beej bepaoldje zake. Statute, reglemênte, hae kiêktj ’t vör os nao en gûftj os adveês en raod.
Daonaeve woor Ton de onaafhânkelik vuuërzitter van zoeëwaal de wêrkgroep Nowwe Kanseleer as de wêrkgroep Nowwe Vorst. In di-j hoedanigheid hieët hae ’t intensieve proces begelédj um uuteindelik te kaome tot ‘ne nowwe Kanseleer/Vice Vuuërzitter in de persoeën van Leon Moonen en ‘ne nowwe Vorst/Vuuërzitter inne persoeën van Stan Ockers.
Tot slot és Ton ‘ne enthousiaste bezeûker van de activiteite van VV de Rogstaekers.

Tags: Kammeräödje - Ongerscheidinge - Organisatie