Op 7 fibberwarie 2019 és tiêdes de 7e Boonte Aovendj de Orde van ’t Kammeräödje uutgereiktj aan Will Hermans. 
Dieës oongerschei-jing weurtj towgekindj aan minse, di-j zich al jaore verdeenstelik make vör de Rogstaekers en daomej ouch vör de Wieërter Vastelaovendj. Will deut det al sinds ’t begîn vanne jaore nuuëgentjig en és dus ‘ne terechte ontvânger van dieës Orde.
De beejbehuuërendje oorkonde hieët Will al ieërder uutgereiktj gekriêge, mer oppe medalie mosse nog effe wachte.
In ’t beejzeen van de vuuërgaondje Kammeräödjes en ‘ne volle zaal met enthousiaste minse kriêg Will de oongerschei-jing opgespeldj en kriêg zien vraw ‘ne schoeëne bos bloome, umdet ze eure mins zoeë dèk hieët motte misse. Daonao waerdje inne foyer van ’t Munttheater nog ’t glaas gehoffe op dieës bezûndjer gebuuërtenis.
