Zoek
Sluit dit zoekvak.
Zoek
Sluit dit zoekvak.
11-08-2016
logoWVL100mm
2015-Opening--Kanslier-WVL106Winnaars 2016

Wieërter Vastelaovendj Lidjesfestival 2016 – 2017

Beste Vastelaovendj en meziekvreende,

‘ne Vastelaovendj soonger Vastelaovendjlidje és wi-j  bekske appelmoos beej Van der Valk, soonger körs en daorum vraoge vae uch um eur zeel en zaligheid weer te légke in ‘t (laote) komponieëre, schriêve van de Vastelaovendjschlager 2017 van Stadsvastelaovendjvereiniging De Rogstaekers.

Uut de ingezonde nummers weurtj, doeër ’n deskundige zjurie, de schlager 2017 gekoeëze. Dét nummer weurtj oppe 11e vanne 11e  inne foyer van ’t Munttheater geprizzentieërdj en daonao met vol bombarie ( met reklaam inne gezet en oeëverige media) vieja internet (o.a.spotify) aan ’t pebliek geprizzentieërdj.  De Rogstaekers gaon heur uuterste bést doon um ’t nummer volop oonger de aandacht te breenge en de uutveurendje moog zich as artiest op ’n hieël rits aan Vastelaovendjaktiviteite prizzentieëre.

Waat d’r dus neet mieër és, és ’t lidjesfestival.  Umdét de köste de bate waal hieël êrg vol oeëverstieëge és ’t besloeët genoome um ’t dus op dieës meneer te doon.

Gae moogtj ‘t inschriefformeleer de tekst en meziek (noeëteschrift met dao-oonger de tekst)  vuuër 3 september digitaal  opsteure nao b.weekers@mokrupak.nl.

Op zaoterdig 10 september zal de zjurie zich dan uutspraeke en zulle vae uch informieëre of eur inzending de Vastelaovendjschlager 2017 és gewoeëre. Met de winnaar(s) weurtj vervolges ’t vervolgtraject besproeëke.

Vae hoeëpe weer op eur entoezjasme en zeen ‘r lidjes vol verwachting tegemoot.

Beejgaondj trefdje ’t reglemênt en ’n inschriefformeleer aan.

Reglemênt Rogstaekers Lidjesfestival 2017

Inschriêfformeleer lidjes 2017

Vör mieër kiêktj op: Wieërter Vastelaovendj Lidjesfestival