Uutslaag kluuërwedstriêd, deîl 1

18-11-2017

Tès toch neet te geluîve: haoje de Rogstaekers um te veere det ze un noow logo hebbe unne schoeëne kluuërwédstriêd, woeëmej 11 kaertjes vör de Boonte Femiêlie Middig zeen te winne en dan zeen dur zègke en schriêve zes inzendinge, woeëvan twieë uut Bèls.
Jao, gae laesj ut good: ZES!
Woeë ligktj det aan, zoudje zègke?
Kân neteurlik zeen, det de wichter van tiêgeswoordig aan kluuëre of aan de Boonte Femiêlie Middig niks mieër aan vînge. Kinne vae os neet vuuërstelle.
Hebbe di-j jong ut te drök gehadj of hebbe ze ut gewoeën neet gewieëte. Vae deenke dit leste.
Daorum ut volgendje: de inzenders van de kluuërplaat tot noow tow kriêge alle zes u kaertje voor de Boonte Femiêlie Middig. En de inzendingstermiên vör de kluuërwedstriêd weurtj verlîngtj tot 18 december. Dus gae hetj nog ‘ne maondj de tiêd um de plaat schoeën in te kluuëre en in te leêvere bij Warenhuis-conceptstore inne Bieëkstraot.
Heej ki-jje de plaat downloade! DOON!

En vör alle papa’s, mama’s, opa’s en oma’s: gaeftj dit doeër aan eur wichter en kleinkindjer en deîltj dit bericht dooër op eîn van di-j knöp heej-onger te klikke, zoeëdet nog mieër 
wichter aane slaag gaon um eîn van di-j leste vieëf kaertjes te bemachtige. OUCH DOON!

Wildje ut originele bericht nog us naolaeze? Det stieët heej!

Heej de kluuërplaate van de winnaars tot noow tow: