Zoek
Sluit dit zoekvak.
Zoek
Sluit dit zoekvak.

Inschriêve vör de Groeëte Optocht

05-12-2017

Béste vastelaovendjveerders,

Op zoondig 11 fibberwari 2018 zâl eure vastelaovendjoptocht wieër oeëver de Wieërter sîngels trekke.
Beej dit bericht ki-jje ’t inschriêfformeleer vör 2018 downloade en ouch ’t aktewieël optochtreglemênt.
Um foute te vuuërkaome vraoge vae uch um ‘t inschriêfformeleer te laote teîkene doeër 2 minse vanne vereîniging. Beej Eînlinge hooftj det neteurlik neet.
Mocht beej uch twiêfel bestaon oeëver ’t vôldoon aan criteria uut dit reglemênt, neemtj dan kontakt mét os op.

Létj op: De léste daag dejje kuntj inschriêve és zoondig 21 jannewari 2018, zétj det dus good in eure agenda.
Gae kriegtj op 27 jannewari van mich de optochtindaeling, zoeëas di-j in ’t programmabukske keumtj.
In verbând mét de vuuërbereiding van ’t programmabukske zeen mottoverângeringe dan nog  muuëgelik wis uterlik 30 jannewari.

Um ’n gooje indruk te kriêge van eure creaties, wille vae gaer de groeëte wages bezeuke, vuuër ze groeëtendaels geplektj zeen.
Vae vraoge alle groeëte wage-bawwers, vuuër 14 jannewari 2018, ’n vuuëraanmelding te doon.
Dét kân beej Arie Verheijen (besteurslid-optocht@vvderogstaekers.nl) en gaeftj daobeej aan wannieër uch det ’t béste uutkeumtj, weem eure kontaktpersoeën daovör és en ‘t bawadres.RouteGO2018

Ouch dit jaor verwachte vae van uch weer ‘ne schoeëne optocht mét kwaliteit en humor.
Vae weense uch völ plezeer bi-j ‘t bawwe, plekke, verve en pekskes make.

Mét vrîntelikke groet,

Wil Berben
Sikretaris Optochtkemissie

2018 Optocht inschriefformeleer

2018 Optochtreglement