Boorebâl 2018

17 januari 2018

Gaojae mej nao ’t Boorebâl? Laotj uch as boor ’s bekiêke. In ‘n schört of boorekeêl, achter oeës boorehermenieke…
Maondjig 29 jannewarie ésj weer zoeëwiêt, dan gaon de Wieërter boore en boorinne weer de stad in. Ieërst beej ein van de daelnemendje gelaegenhede ‘ne gooje boeëm légke en dan heerlik, aojerwéts (of nowwerwéts) op stap. Um 19:30 oor weurtj op ’t bordes van ’t aod-Aod Stadhoês oppe Mêrrentj ’t booregezelschap aan uch bekintj gemaaktj met as hoeëgtepeûnt de verbînging inne onecht doeër Preens Phil I en menieër Pestoeër zelluf. Daonao zâl ’t boorebroêdspaar met heûr hieël femiêlie de stad doeër gaon en ésj inne álle kefees haole klot. Um 00:00 oor zâl ’t huwelik ontbónge waere, mer dés nog gein rieëje um nao hoês te gaon.

Schrieëftj uch noow in vör ‘t Boorebâlarranzjemênt! Vör slechts € 11,00 kriejjae in eîn van de daelnemendje kefees booremoos mét worst en herste, 't unieke Boorebâlspeldje 2018, 1 consumptie en 'n leuke gadget. Zeetj d’r gaw beej, want op = op!

Gae kuntj uch inschriêve beej de daelnemendje kefees:

- De SooS
- Café de Gruyter
- Café de Harmonie
- Café ’t Swaentje
- Café ‘t Ingelke
- Café Tramhalt
- Stadscafé Du Commerce
- Brasserie d’Oude Markt
- Grand Café Weerter Bazaar

 

2018BoorebalPoster


Tags: - - -

Kiektj ouch us beej:

10 maart 2022

Dit jaor hieët V.V. de Rogstaekers, same met înkel kepélle, ’n aantal minse in ’t zönneke moôge zétte. Um verschillendje rieëje kriêge dieës minse inne aanloup nao de vastelaovendj van 2022 ’n bezeûkske van ‘n…

Serenades, Óngerscheidinge en Bloôme

Lees meer

22 februari 2022

Op zaoterdig 26 fibberwarie zeen alle wichter van Wieërt van hérte welkom op de jaorlikse Wichterfieëstmiddig in Kefee de Brouwer oppe Oelemêrrentj. Tösse 14:00 en 17:00 oor és de dânsvloer vör de jeugd. En det…

Zaoterdig 26-02: Wichterfieëstmiddig

Lees meer

19 februari 2022

Naodet de Jeugdpreens met adjedânte en gevolg exemplare van ’t Rogstèkerke haaje roondgebrachtj, woeërt ’t gezelschap doeër beiaardier Frank Steijns uutgenuuëdigdj um same met hem de trappe van de Martinustoeëre te beklumme. Zoeë kos ederein…

Beiaardconcert met Wieërter lidjes

Lees meer
Mieër noets