Vriêdig 26 jannewarie ésj zoeëwiêt. Dan weurtj de ieërste CD van 't Vastelaovendlidje van Preens Phil I uutgereiktj aan vertegenwoeërdigers van de Stichting Cliniclowns. 't Lidje det de Preens zong beej zien uutrooping hieët zoeëvöl reacties opgeleverdj, det hae d'r 5.000 cd's van hieët laote pörse. De opbringst és hieëlemaol bestûmdj voor de CliniClowns. Dieës speciaal gebuuërtenis begintj um 17:30 oor beej 't Rogstaekersbieëldje oppe Mêrrentj.
Alles oeëver dieës actie ki-jje laeze oppe speciaal pagina di-j wae vör uch hebbe gemaaktj. (Kliktj oppe goud-blauwe knop.) Wannieër d'r now informatie bekindj weurtj, keumtj di-j d'r gewoeën beej te staon. As de actie eînmaol leuptj zal ouch regelmaotig de tössestând waere gepublicieërdj. Haotj det dus inne gate. De indj-opbringst weurtj vastelaovendj-dieënsdig bekindj gemaaktj.
