Jao joonges en maegtjes,

Gae kintj waer mejdoon mét 't Koppe Bawwe en daomej prebieëre de Kleine Gouwe Rog te winne in de groeëte Wichteroptocht, dae op maondjig 4 mieërt 2019 doeër de binnestad van Wieërt trektj. Kotj met eur pap of mam gezellig bawwe in oeës hal aane Stekshofwieëg.

Vanaaf dit jaor doon vae det oppe zaoterdigge 12, 19 en 26 jannewarie en 2 fibberwarie van 9 wis 12 oor. As dejje op sporte zitj, ésj dan toch wîntjerstop, dus waat letj uch um neet mej te doon.

Laotj eur pap of eur mam dan waal effe zoeë snel muuëgelik 't formeleer invölle op de speciaal pagina oeëver 't Koppe Bawwe, want 't aantal wichter, waat mej kân doon, és bepêrktj en vôl és vôl!

 


V.V. de Rogstaekers maaktj tiedes dieës aktiviteit muuëgelik foto’s en/of video-opnamen vör publicatiedoelîndje.
Raodpleeg oeës privacyverklaoring, as dejje dao bezwaor tieëge wiltj make.

180212-Wichteroptoch-De-schoeensteKop_1