‘ne Daag nao eur installatie woeërt op zoondig 24 fibberwarie 2019 de receptie gehaoje vör Preens Frank II en Jeugdpreens Stan I. Det gebuuërdje inne SooS oppe Mêrrentj. Ieërst koste genuuëdigdje de twieë hoeëghede ’n hèndje schödde, mer vanaf 13:30 oor waas hieël Wieërt welkom beej dit festijn, woeë neet allein völ muulkes waerdje uutgedeîldj, mer woeë de preense ouch völ fillisitaties en kedootjes in ontvangst mochte neme. Hieël völ zöstervereîniginge goeëve acte de présence en zoeë wi-j det huuërtj, brachte di-j ouch eur eige meziekkepèl mej, zoeëdet d’r regelmaotig volop gezônge en gedânsj kost waere. En moszje effe wachte, det vong nemus êrg mét det zönke oppe Mêrrentj.

(De fotookes heej-onger van de receptie zeen van Jan Lormans, di-j in de albums via de lînke van hoêsfotograaf Adrie Hendriks).