Zoek
Sluit dit zoekvak.
Zoek
Sluit dit zoekvak.

Vör eine kieër Preens

25-09-2019

Op zoondig 22 september woeëre de Rogstaekers ouch vanne perti-j tiêdus ’t Cultureel Lint. Oppe Nowwe Mêrrentj kos ’t publiek op ’n breefke invölle, weem d’r in 2020 volges hun Preens en Jeugdpreens vanne Rogstaekers waere.

Mogdje det zoondig hebbe gemisj en eur kuuës toch nog aan os wille laote wieëte, dan kujje ’t formeleer invölle en dao ouch nog kaartjes vör de Boonte Aovendj en/of Boonte Femiêliemiddig mej winne. Det kin beej ’t Preens raoje.

De Rogstaekers haaje ‘ne schoeëne optochtwage mejgebrachtj en ederein, dae det woeëj, kos dao effe opklûmme, mer dan waal met mântel, witte haose, möts en vaere. Zoeëdejje ’t geveul haatj ‘ne echte preens te zeen. En ouch de noeëdige vröllie en maegdjes zoeëge eur kâns um, al waasj mer vör hieël efkes, preenses te waere. Beej ’t aantoddele van al di-j preenselikke hoeëgwaardigheids attribute waerdje ederein gehôlpe doeër emes met völ ervaring, namelik de Jeugdpreens van 2016, Marijn I.


 

Aod-Jeugdpreens Marijn I, heej geflankieërdj doeër papa Paul en mama Sandy, haaj ’t mer drök met ederein aantoddele en ’t trepke ophêlpe. Hae kos ’t neet laote um zelf ouch nog ‘ne kieër alles van boeëvenuut te bekieke.