Uutroping Stadspreens live oppe tillevies

21 januari 2020

Uitrope900x900

Ouch dit jaor wurtj de uutroping rechtstreeks uutgezonde. Same mét Special Events Productions (s-e-p), WeertFM en ‘t Munttheater verzörge De Rogstaekers op zaoterdig 25 jannewarie vanaaf 22:45 oor ’n programma vanuut ’t theater. Ieërst kiektj Iris van der Zanden same mét aod-preens Frank II trök op ’t Vastelaovendjsezoen 2019, woeënao dejje kuntj kieke nao Lars Lambers. Dae hieët inne binnestad aan passânte gevraogdj weem det zeuj deenke, det de nowwe Stadspreens wurtj. En dan ésj zoeë wiêt: de live bekindjmaking vanne nowwe Preens. Dit programma wurtj nog twieë kieër herhaaldj op WeertFM: ’s nachts um 01:00 oor en zoondiggemiddig um 13:00 oor nao aafloup van ’t programma “Dao gaon vae weer”.

De live uutroping kân waere bekiêke via ‘t  tv-kanaal van WeertFM (kabel: Ziggo 40; glasvezel: KPN 1417 of oeëverige kanale 2064).

Ouch de lokale media WeertdeGekste en Midden Limburg Actueel zende de live uitroping via hun kanale uut, wi-j ouch de Facebookpagina en de website van de Rogstaekers zelf. 
Op zoondig 26 jannewarie wurtj nao afloup van de Boonte Femiêlie Middig de nowwe Rogstaekers Jeugdpreens uutgerope. ‘n Samevatting van dieës uutroping kujje saoves um ’n oor of zieëve bekieke op de Facebookpagina van VV de Rogstaekers.


Tags: - - -

Kiektj ouch us beej:

25 februari 2022

Op dieënsdig 1 mieërt zal Jeugdpreens Sjoerd I d’r toch echt aan mótte geluive. Naodet hieël wat hermeniekes en kepelle ’s middigs ongetwiêfeldj vör de noeëdige meziek hebbe gezörgdj és ’t um 19:11 oor zoeë…

Dieënsdig 1 mieërt: Abdicatie

Lees meer

22 februari 2022

Op zaoterdig 26 fibberwarie zeen alle wichter van Wieërt van hérte welkom op de jaorlikse Wichterfieëstmiddig in Kefee de Brouwer oppe Oelemêrrentj. Tösse 14:00 en 17:00 oor és de dânsvloer vör de jeugd. En det…

Zaoterdig 26-02: Wichterfieëstmiddig

Lees meer

20 februari 2022

Op zoondig 20 fibberwarie 2022 kriêg Sjoerd I de sluuëtel van ’t stadsachterpörtje uutgereiktj doeër börgemeister Raymond Vlecken. Det gebuuërdje oppe trappe van ’t aod stadhoês oppe Mêrrentj. Aansloêtendj mocht oeëze Jeugdpreens nog hieël wat…

Sluuëteloeëverdracht Jeugdpreens Sjoerd I

Lees meer
Mieër noets