Neteurlik gaoje as rechtgeaardje Wieërtenaar kieke nao de Groeëte Rogstaekersoptocht, dae zoondig 19 fibberwarie um 13:30 oor begintj te trekke oeëver de singels inne binnestad.
Mer waat as dejje mótj wêrreke, hieël slecht ter beîn zeetj of te wiêt wegk woeëntj um d'r dan beej te zeen? Vör al di-j minse és d'r 'n oplossing, woeë vae as Rogstaekers herstikke bli-j met zeen.
Special Events Productions (s-e-p) maaktj namelik met mieërdere camera's 'n registratie vanne optocht en WeertFM gieët di-j uutzende.
De uutzendinge staon geplandj vör:
Zoondig 19 fibberwarie um 19:30 oor (ouch via Facebook), 21:30 oor en 23:30 oor.
Maondjig 20 fibberwarie um 19:30 oor en 21:30 oor.
Dieënsdig 21 fibberwarie um 19:30 oor en 21:30 oor.
De uutzendinge kunne waere bekiêke via ‘t tv-kanaal van WeertFM (kabel: Ziggo 40; glasvezel: KPN 1417; T-Mobile 764; oeëverige kanale 2064).
De uutzendinge zeen ouch op dieës pagina te vôlge via de player van WeertFM.
