Noow de Wieërter vastelaovendj neet op straot en inne kefee geveerdj kós waere, hebbe vae uch de vastelaovendj thoês inne woeënkamer gebrachtj. Rog Tillevies hieët van 29 jannewarie t/m 16 fibberwarie edere daag 'n uutzending gebrachtj op Weert FM. Gae hetj kunne kieke en geneête van vastelaovendjlidjes, optochte, sketches, interviews, humor, optraejes en nog völ mieër!
Rog Tillevies woeërt gebrachtj in samewêrking met WeertFM, Special Events Productions en Dion Huiberts.
De programma's kunne noow allemaol waere trökgekieëke op oeës eige videokenaal Rog Tillevies op YouTube.
Dao és ouch 't lidje 'Same apaart' vanne artieste van de Boonte Femiêliemiddig te zeen, zjuust wi-j de vlogs, di-j zeen gemaaktj doeër 'n aantal Huppelpupkes en lede vanne Jeugdraod.
Dit és 'n oeëverzicht van alle uutzendinge mét 'n korte beschriêving
Wi-j ésj mét Aod-Preens Tim I
Same mét Preens Tim I kieke vae trök op ’t afgeloupe sezoen. Waat zeen de momênte di-j ‘m ’t deerbaarst zeen? Schoeën en ontreurendje momênte kaome vörbeej. Daonaeve zâl oeës jeugd uch verrasse met ‘Vlog Tillevies’.
De Boonte Femiêlie Middig gieët koppe bawwe
De artieste van de Boonte Femiêlie Middig gaeve ’ne workshop koppe bawwe en dage uch uut um ouch kreatief te gaon waere, beej uch inne garaasj. Aafgewisseldj mét leuke sketches en lidjes.
Vae prizzentieëre uch…
’n Aantal Wieërter artieste wurtj doeër Mark Fonteijn ’t hûmme van 't lieëf gevraogdj en kriegtj de kâns um eur léste lidje ten gehuuëre te brînge. Ouch daelnemers van ’t LVK zeen d’rbeej en Ton Wolter zingtj eîn van zien klassiekers.
Boorebâl Special
Oppe daag dét vae eigelik aane moerepetazie en booremoos zoeëje mótte zitte, kieke vae trök nao vuuërig jaor en vae gaon ouch nog wat wieter trök inne tiêd. Dét deut aod Boorebroêd Marja Feijen same mét eur gaste. Daonaeve zâl oeës jeugd uch verrasse met ‘Vlog Tillevies’.
De Vastelaovendjkerresjel
‘n Vastelaovendjkerresjel mét fragmênte uut ’t riêke archief van Stadsvastelaovendjvereîniging de Rogstaekers. Vandaag o.a. ’t Wiepkesbâl, 'n Boonte Aovendj-sketch uut 2010 en nog völ mieër.
De Vastelaovendjkerresjel
‘n Vastelaovendjkerresjel mét fragmênte uut ’t riêke archief van Stadsvastelaovendjvereîniging de Rogstaekers. Vandaag o.a. 'n Boonte Aovendj-sketch uut 2019 en ‘n schoeën stökske meziek uut de Gulden Humor 2010.
De Vastelaovendjkerresjel
‘n Vastelaovendjkerresjel mét fragmênte uut ’t riêke archief van Stadsvastelaovendjvereîniging de Rogstaekers. Vandaag o.a. de Jubileum Groeëte Rogstaekersoptocht 1992.
Wi-j ésj mét Aod-Jeugdpreens Rens 1
Same mét JeugdPreens Rens I kieke vae trök op ’t afgeloupe sezoen.
Waat zeen de momênte di-j ‘m ’t deerbaarst zeen? Schoeën en ontreûrendje momênte kaome vörbeej. Daonaeve zâl oeës jeugd uch verrasse met ‘Vlog Tillevies’.
Ki-jjae nog?
Same mét Leon Stultiens en Rewalt Tobben kieke vae trök nao de tiêd det Rewalt Boonte Aovendj Artiest waas mét hilarische sketches. Ouch moge vae heejbeej 'Harry' neet vergaete.
Vae prizzentieëre uch…
Dael 2 vanne meziekshow woeëbeej Mark Fonteijn de artieste wieër ’n sperveur van vraoge aan eur schieëne légktj. Kiektj en geneêtj vanne lidjes.
Miene wîns ês...
Boonte Aovendj Artieste interviewe Boonte Femiêlie Middig Artieste en ângersum. Hilariteit ten top. Daonaeve zâl oeës jeugd uch verrasse met ‘Vlog Tillevies’.
De Vastelaovendjkerresjel
‘n Vastelaovendjkerresjel mét fragmênte uut ’t riêke archief van Stadsvastelaovendjvereîniging de Rogstaekers. Vandaag o.a. Ed en Frans in ‘n Boonte Aovendj-sketch en fragmênte uut de Groeëte Rogstaekersoptocht 2018.
De Vastelaovendjkerresjel
‘n Vastelaovendjkerresjel mét fragmênte uut ’t riêke archief van Stadsvastelaovendjvereîniging de Rogstaekers. Vandaag o.a. bieëldje uut de aoj doeës, Vastelaovendj 2004 en nog völ mieër.
Achter de Coulisse
Noow dét er dit jaor gein Boonte Aovendje zeen, gaon vae 's kieke achter de schêrme waat d’r allemaol vör noeëdig és um überhaupt dieës aovendje aan uch te kunne prizzentieëre.
Gezónd êrm és ouch riêk!
Vae staon efkes stil beej woeërum de vastelaovendj d’r dit jaor ângers uut zuûtj as ângers.
Vuuëraafgaondj aanne groeëte Wieërter Vastelaovendjkwis op zaoterdig 13 fibberwarie 'n korte aaflevering 16,
'n Vastelaovendjkerresjelke zoeëgezagdj. Dao-in wurtj 'n vereîniging uut Beûl in 't zunke gezatte, di-j 44 jaor bestieët en ouch al twieë kieër de Gouwe Rog hieët gewonne. Wieter 'n interview mét en 'n optraeje van Noa Veltrop. Nao aafloup kujje dan oeëverschakele nao de kwis.
Óngertösse inne loeëds
Vae gaon ‘s kieke beej ’n aantal optochtbawwers, wi-j di-j in eur loeëds bieëzig zeen aan eur creaties. Ouch gaon vae wieër ’n vereîniging in ’t zunke zétte.
De Vastelaovendjkerresjel
‘n Vastelaovendjkerresjel mét fragmênte uut înkel Wichteroptochte van de Rogstaekers. Ouch kaome oeës vloggers nog ’s vörbeej.
’t Toêt- en Blaosfieëst
De dieënsdig stieët traditioneel in ’t teîken van ’t Toêt- en Blaosfieëst of de Slaag um de Mêrrentj. Geneêtj vör de léste kieër dit jaor van Rog Tillevies.
