02 MIEËRT
13:00
Wieërter binnestad
De Groeëte Rogstaekersoptocht begintj oeëver:
- %D
- %H
- %M
- %S
Zoondig 2 mieërt 2025 ésj weer zoeë wiêt. Dan tréktj de 87e Groeëter Rogstaekersoptocht weeer oeëver de Wieërter singels
De route és geliêk aan aafgeloupe jaor, mer mocht eur gehuuëge uch inne steek hebbe gelaote, kiektj effe op 't plaetje.
Létj op: 't vertrek és al um 13:00 oor vanaaf de opstelling aane Parallelwieëg (dus 'n hâlf eurke ieërder as dejje gewindj zeetj).
De deîlnemers zette eur béste beînke vuuër vör ’t pebliek langs de Driesveldlaan, Wilhelminasingel, Kestieëlsingel en Emmasingel tot aan de ontbînging beej de Walburg.
Vuuër en tiêdes de Groeëte Rogstaekersoptocht zeen de wieëge in de binnestad van Wieërt bepêrktj bereikbaar. Alleîn de parkieërgarages aan 't Stationspleîn en beej de Port van Limburg kinne dan waere gebroêktj.
'n Oeëverzicht van de verkieërsmaotregele kujje bekieke op
de website van de gemeîndje Wieërt.
Meziek
De minse langs de kânt kunne neet alleîn geneête van de knouwel en de schoeën wages inne optocht, mer ouch mejzînge en dânse oppe meziek van de kepelle di-j verdeîldj oeëver de route staon:
| Fieëstkepèl Um te Bäöke | Hook Wilhelminasingel - Muuëlestraot |
| Kepèl Gootgemootj | Hook Wilhelminasingel - Bieëkport |
| Kepèl Vae Same | Hook Busseng - Kestieëlsingel |
| Hermeni-j De Kompeni-j | Hook Emmasingel - Oelemêrrentj |
| De Vâlse Loef | Hook Emmasingel - Voeëgelsbleîk |
| Hermeni-j Vannix | Hook Emmasingel - Maasport |
Rogstaekersoptocht
De deîlnemers zeen behâlve de hermenij-je verdeildj oeëver acht categori-jje en doon eur best um ein vanne hoeëfdpriêze inne wacht te sleîpe.
Det és neteurlik de Gouwe Rog vör de deîlnemer met 't hoeëgste aantal pûnte.
Zieër gewildj és ouch de Knouwelpriês vör de mieëst kolderieke deîlnemer.
En dan és d'r ouch nog de Hei-j Up Priês as aanmoediging vör degieëne, di-j vör de ieërste of twieëdje kieër mejdoon en dao as beste uutkaome.
Deîlnemers deêne akkoeërd te gaon mét 't Optochtreglemênt
| E | Eînlinge |
| K | Koppels |
| TR | Trio's |
| KWT | Kwartette |
| KLG | Kleîn groepe |
| GRG | Groeëte groepe |
| KLW | Kleîn wages |
| GRW | Groeëte wages |
